Здружение на граѓани Центар за граѓански комуникации ЦГК Скопје
Вкупен буџет: 14.000.000 денари
Период на реализација: 01.12.2023 – 30.09.2026 (34 месеци)
Специфична тема: Антикорупција
Партнери:
- Здружение Центар за активни граѓани АКТИВО Велес
- Здружение на даночни советници на Република Македонија ЗДСРМ Скопје
Конституенти: Институциите за борба против корупцијата и органите на прогонот; другите државни институции; фирмите; граѓанските организации; медиумите и граѓаните.
За проектот поддржан од Цивика мобилитас: Користење на податоците за вистинските сопственици за намалување на корупцијата
ОПИС НА АКЦИЈАТА
Борбата против корупцијата прерасна во врвен национален приоритет во земјава од којшто зависи не само животот на граѓаните, туку функционирањето на земјата, воопшто, и остварувањето на европските аспирации. Граѓаните ја препознаваат корупцијата како генератор на сите други аномалии кои го оневозможуваат растот и развојот на земјата на сите полиња.
ЦЕЛИ И РЕЗУЛТАТИ
Општа цел: Унапредување на транспарентноста, отчетноста и ефикасноста во трошењето на јавните пари.
Специфична цел: Поттикнување и промовирање на користењето на информациите за вистинските сопственици во борбата против корупцијата.
РЕЗУЛТАТИ
- Детектирани се слабостите, недостатоците и просторот за подобрување на користењето на податоците за вистинските сопственици како еден од клучните инструменти за борба против корупцијата.
- Проверено е и откриено евентуалното постоење на судир на интереси и злоупотреба на моќта кај политички експонираните лица преку вкрстување на податоците од регистрите на вистински сопственици и на избрани и именувани лица, со податоците за договорите за јавни набавки.
- Подобрена е примената на податоците за вистинските сопственици како дел од севкупните антикорупциски напори на земјата преку изработка на препораки и застапување за нивна примена.
- Проширено е основното разбирање и влијанието за потребата и можноста за користење на податоците за вистинските сопственици преку вклучување на медиумите, граѓанските организации и јавноста.
АКТИВНОСТИ
- Продлабочена анализа за утврдување на начинот на кој институциите ги користат информациите за вистинските сопственици во првите години од формирањето на соодветниот регистар.
- Продлабочено истражување за откривање на евентуален судир на интереси и злоупотреба на моќ при јавните набавки кај политички експонираните лица.
- Мониторинг на спроведувањето на заложбата од Националниот акциски план за Партнерство за отворена власт (2021-2023) во врска со објавувањето на вистинските сопственици.
- Изработка на документ за јавни политики со препораки насочени кон подобрување на употребата на информациите за вистински сопственици за унапредување на антикорупциските напори во земјата.
- Организирање јавен дијалог за политики.
- Процес на застапување за спроведување на препораките насочени кон подобрување на употребата на информациите за вистинските сопственици во антикорупциските напори на земјата.
- Организирање две работилници за граѓански организации и за новинари за унапредување на нивната способност за користење на информациите за вистинските сопственици (Р4).
- Подигнување на јавната свест.
- Мониторинг и евалуација на проектот.
