Повик за прибирање на понуди за угостителски услуги за организирање на настан

Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и достапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита. Овие појави не само што ја поткопуваат довербата во институциите, туку создаваат дополнителни бариери за еднаков пристап до основното човеково право – здравје.

Корупцијата во здравството има и изразена родова димензија. Жените, особено оние кои живеат во сиромаштија, во рурални средини или кои припаѓаат на ромската заедница, се соочуваат со двојна нерамноправност: од една страна поради нивниот економски и социјален статус, а од друга поради родовите стереотипи и дискриминаторските практики во институциите. Непостоењето ефикасни и доверливи механизми за пријавување дополнително ја засилува нивната ранливост и создава чувство на беспомошност.

Постоечките механизми за пријавување корупција се недоволно функционални, со ограничена транспарентност и слаб капацитет за постапување. Институциите ретко обезбедуваат јасни информации и поддршка за граѓаните, а здравствените работници немаат соодветна обука за етичко постапување и справување со случаи на корупција. Истовремено, јавната дебата за оваа тема останува ограничена, а медиумите често известуваат на начин кој не ги препознава родовите аспекти и штетните последици за ранливите групи.

Проектот „Посилен систем за поправедна здравствена заштита: Намалување на корупцијата“ е дизајниран да одговори токму на овие проблеми. Тој има за цел да ја зголеми отчетноста и транспарентноста во здравствениот систем преку зајакнување на жените и граѓаните да пријавуваат корупција, јакнење на капацитетите на здравствените работници за препознавање и превенција на коруптивни практики и зајакнување на институционалните механизми за постапување. Преку едукативни активности, јавни кампањи и застапувачки иницијативи, проектот ќе придонесе кон создавање систем во кој граѓаните ќе имаат доверба дека нивниот глас е слушнат, а нивните права се заштитени. Проектот е поддржан од Expertise France, преку AFD – Agence Française de Développement.

Во рамки на проектот предвидено е организирање на еднодневен настан – обука за здравствени работници во Прилеп.

За таа цел, ве молиме да ни испратите понуда по следните барања и спецификации:

1. Општи информации

• Вид на настан: Еднодневен работен настан на 23.09.2026 година
• Број на учесници: 25 лица.

2. Угостителски услуги

Исхрана

• Ручек за 25 лица на 09.2026 година
• Мени со предјадење, главно јадење, десерт и пијалок (минерална вода или безалкохолен пијалок)
• Опција за вегетаријанско/веганско мени и мени за лица со специјални потреби во исхраната

Дополнителни информации

Вклучете информации за услови на плаќање и евентуални попусти.

 Потребна документација за аплицирање

Понуда со цена

• Детална финансиска понуда по ставки (ручек, пијалоци), со фотографии од просторот.
• Наведена цена по лице/услуга и вкупна цена (нето и бруто, со вклучен ДДВ).
• Потпишување на Изјава под заклетва за критериуми за исклучување, отсуство на судир на интереси (во прилог на овој повик).

Опис на услугите

• Детален опис на угостителските услуги (мени, содржина).

Регистрациски документи на компанијата

• Тековна состојба/извод од Централен регистар.
• Даночен број (ЕМБС и ДДВ број ако е обврзник на ДДВ).

Општи услови

• Политика за резервации и откажување.
• Услови на плаќање.
• Информации за евентуални попусти или дополнителни трошоци.

Критериуми за селекција

• Вкупна цена на понудата со калкулација по ставки
• Услови на плаќање
• Квалитет на понудата на услуги (исхрана и сл.)
• Пристапност на локацијата (транспортни врски, паркинг простор)

Начин и рок за аплицирање

Потребната документација (вклучително потпишаната Изјава под заклетва за критериуми за исклучување, отсуство на судир на интереси)  да се достави во PDF формат по електронска пошта на адресата esem@esem.org.mk, со назнака: Повик за прибирање на понуди за конференциски услуги за организирање на настан за проектот „Посилен систем за поправедна здравствена заштита: Намалување на корупцијата во здравството“.

Краен рок за доставување на документите е 28 август 2026 година.

This post was originally published on this site