Повик за ангажман на правно лице за логистичка организација и спроведување на четири јавни трибини во Куманово, Свети Николе, Тетово и Прилеп

„Посилен систем за поправедна здравствена заштита: Намалување на корупцијата“

Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и достапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита.

Корупцијата во здравството има и изразена родова димензија. Жените, особено оние кои живеат во сиромаштија, во рурални средини или кои припаѓаат на ромската заедница, се соочуваат со дополнителни бариери при остварување на правото на здравје, а недоволната информираност и недовербата во механизмите за пријавување дополнително ја зголемуваат нивната ранливост.

Проектот „Посилен систем за поправедна здравствена заштита: Намалување на корупцијата“ има за цел да ја зголеми отчетноста и транспарентноста во здравствениот систем преку информирање и охрабрување на граѓаните да препознаваат и пријавуваат корупција, како и преку отворање јавна дискусија за последиците од корупцијата врз еднаквиот пристап до здравствена заштита. Проектот е поддржан од Француската Развојна Агенција – Expertise France.

Во рамки на проектот ќе се организираат четири локални јавни трибини во Куманово, Свети Николе, Тетово и Прилеп. Настаните треба да овозможат директна комуникација со граѓани, локални чинители, претставници на институции, граѓански организации и други релевантни засегнати страни.

1.1. Предмет на ангажманот

Предмет на овој повик е ангажирање на правно лице кое ќе биде задолжено за целосна логистичка, техничка и организациска подготовка и спроведување на четири јавни трибини во следните градови:

• Куманово
• Свети Николе
• Тетово
• Прилеп

Ангажираното правно лице треба да обезбеди услови на терен за непречено одржување на трибините, така што тимот на ЕСЕ и говорниците ќе можат да пристигнат на локацијата и да ја реализираат содржинската програма без дополнителни логистички обврски.

1.2. Работни задачи и обврски

Ангажираното правно лице ќе биде задолжено за целосна организација на четирите јавни трибини, вклучувајќи, но не ограничувајќи се на:

• координација со ЕСЕ за дефинирање на датумите, временската рамка и техничките потреби за секоја од четирите трибини;
• идентификување, обезбедување и подготовка на соодветна локација/простор за одржување на секоја трибина, во договор со ЕСЕ;
• обезбедување на сите потребни дозволи, одобренија и согласности за поставување и одржување на настаните, доколку се потребни според локацијата и локалните правила;
• координација со надлежни општини, институции, јавни претпријатија, сопственици/управители на просторот и други релевантни чинители;
• обезбедување, транспорт, поставување и отстранување на столчиња, маси/пулт, банер-позиција или друга основна сценска поставка потребна за настанот;
• обезбедување и техничко поставување на озвучување, микрофони, продолжни кабли, приклучоци и друга неопходна техничка опрема;
• обезбедување лице/техничар задолжен за озвучувањето и техничката поддршка за време на секој настан;
• обезбедување основни услови за безбедност на учесниците, говорниците, опремата и просторот, вклучувајќи редарска/логистичка поддршка доколку е потребно;
• обезбедување план за управување со ризици, вклучително и резервно решение во случај на временски неприлики, технички проблеми или други непредвидени околности;
• поставување и дистрибуција на проектни материјали обезбедени од ЕСЕ, по претходен договор;
• теренска координација на денот на настанот, вклучително пристигнување пред почетокот, поставување на просторот, насочување на учесници и демонтажа по завршување;
• координација со фотограф/видео тимот ангажиран од ЕСЕ, за да се обезбедат услови за снимање и фотографирање;
• доставување краток завршен извештај за спроведените логистички активности, вклучително и забелешки, фотографии од поставката, листа на евентуални предизвици и препораки за идни активности.

1.3. Очекувани резултати

• Навремено и професионално организирани четири јавни трибини во Куманово, Свети Николе, Тетово и Прилеп.
• Обезбедени сите потребни дозволи, согласности, просторни, технички и безбедносни услови за одржување на настаните.
• Поставени столчиња, озвучување и друга неопходна логистичка опрема пред пристигнување на тимот на ЕСЕ.
• Обезбедена техничка и теренска поддршка за време на секој настан.
• Доставен краток извештај за спроведената организација и логистичка реализација.

1.4. Профил на апликантот

На повикот можат да аплицираат регистрирани правни лица кои имаат капацитет да организираат јавни настани, теренски активности, конференции, јавни дебати, промотивни активности, кампањски активности или слични логистички ангажмани.

Не е задолжително апликантот претходно да има организирано јавни трибини во сите наведени градови. Ќе се земат предвид и искуства со организација на интерни настани, корпоративни настани, локални активности, промоции, обуки, работилници, кампањи или други активности кои покажуваат организациски и технички капацитет.

Апликантот треба да покаже дека располага со или може да обезбеди соодветни човечки, технички и логистички ресурси за спроведување на ангажманот во договорените рокови.

1.5. Времетраење и динамика

Ангажманот е предвидено да се реализира во периодот септември – октомври 2025 година.

Точните датуми, локации и временска рамка за секоја од четирите јавни трибини ќе бидат дополнително договорени со ЕСЕ. Ангажираното правно лице треба да биде флексибилно за координација и теренска реализација согласно проектната динамика и потребите на ЕСЕ.

1.6. Буџет и финансиска понуда

За овој ангажман не е однапред утврден максимален износ. Заинтересираните правни лица треба да достават финансиска понуда со јасно прикажани трошоци за организација и реализација на четирите јавни трибини.

Финансиската понуда треба да ги опфати сите трошоци поврзани со спроведување на предвидените работни задачи, вклучително: дозволи и одобренија, простор/локација доколку е применливо, столчиња, озвучување, техничка поддршка, транспорт, поставување и демонтажа, безбедност/редарска поддршка, координација и други потребни логистички трошоци.

1.7. Потребна документација за аплицирање

Заинтересираните правни лица треба да достават:

• кратка презентација на правното лице, со опис на релевантни организациски, логистички и технички капацитети;
• опис на предложен пристап за организација на четирите јавни трибини, вклучувајќи како би се обезбедиле локација, дозволи, столчиња, озвучување, безбедност и теренска координација;
• краток оперативен план со временска рамка и начин на координација со ЕСЕ;
• информација за тимот/лицата кои би биле вклучени во организацијата и нивните улоги;
• портфолио, референтна листа или други докази за искуство/капацитет, доколку апликантот располага со такви; ова не е задолжителен услов, туку дополнителна предност;
• финансиска понуда со спецификација на трошоците за сите четири настани;
• тековна состојба или друг соодветен документ за регистрација на правното лице.

1.8. Критериуми за селекција

Изборот ќе се изврши врз основа на следните критериуми:

ЕСЕ го задржува правото да побара дополнителни информации, појаснување на понудата или краток разговор со апликантите пред донесување на конечна одлука.

1.9. Начин и рок за доставување на апликации

Потребната документација се доставува по електронска пошта на адресата esem@esem.org.mk, со назнака: „Повик за организација на четири јавни трибини – Посилен систем за поправедна здравствена заштита: Намалување на корупцијата“ најдоцна до 10.06.2026 година.

Нецелосните апликации или апликациите доставени по истекот на рокот може да не бидат земени предвид.