Чекор по чекор до родово одговорен локален буџет

„Гласен Текстилец“, заедно со партнерските организации ЕХО едукативно-хуманитарна организација од Штип              
и Здружение Иницијатива на невработени интелектуалци од Виница, во рамките на проектот „Преку женски активизам и граѓански иницијативи до родово инклузивни и одговорни општини“, поддржан од Владата на Швајцарија преку Цивика мобилитас, спроведува кампања за родово одговорно буџетирање на локално ниво.

Кампањата преку низа пораки потсетува на неколку клучни факти:

• Буџетот не е неутрален, ако не ги препознае различните потреби на жените и мажите, ја продлабочува нееднаквоста;
• 59% од жените не знаат што е родово одговорен буџет, а повеќе од половина никогаш не учествувале во јавни расправи и не веруваат дека нивниот глас ќе биде слушнат;
• Жените имаат јасни приоритети: подобро улично осветлување, уредени и безбедни јавни простори, превентивни здравствени програми, ефективни социјални услуги, подобри услови во образованието, почиста животна средина и функционален јавен превоз.

Истражувањето кое го спроведовме покажува дека:

• Во Виница, Делчево и Штип жените најчесто бараат пристапност, безбедна инфраструктура, грижа за стари лица, јавен превоз и подобро осветлување;
• Над 80% од жените во селата во Делчево и Виница бараат јавен превоз, без превоз нема пристап до работа, здравство и образование;
• 80–96% од жените имаат барања поврзани со хигиената, комуналните прашања се прашања за квалитет на живот;
• 70–85% од жените бараат подобро улично осветлување, затоа што кога нема светло – нема безбедност.

Кампањата повикува на:

• Родова анализа на секој буџет;
• Јавни консултации со граѓанките;
• Јасни родови индикатори;
• Отчетност за трошењето на јавните средства.

Ова не се „женски прашања“, ова се прашања за квалитетот на живот во општината. Еднаквоста започнува со буџетот, а родово одговорниот буџет ги претвора потребите на жените во вистински локални приоритети.

Кампањата е ден е дел од проектот „Преку женски активизам и граѓански иницијативи до родово инклузивни и одговорни општини“, спроведуван од Гласен Текстилец во партнерство со ЕХО едукативно-хуманитарна организација од Штип и Здружение Иницијатива на невработени интелектуалци од Виница.
Проектот е поддржан од Владата на Швајцарија преку Цивика мобилитас.
Содржината на оваа објава е единствена одговорност на Гласен Текстилец, ЕХО едукативно-хуманитарна организација и Иницијатива на невработени интелектуалци, и на ниту еден начин не може да се смета дека ги одразува гледиштата на Владата на Швајцарија, Цивика мобилитас, или организациите што ја спроведуваат.

Оваа вест изворно е објавена на веб-страната на Здружение за заштита на работничките права „Гласен Текстилец“