Повик за прибирање на понуди за сместување и одржување на обуки

Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и пристапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита. Овие појави не само што ја поткопуваат довербата во институциите, туку создаваат дополнителни бариери за еднаков пристап до основното човеково право – здравје.

Корупцијата во здравството има и изразена родова димензија. Жените, особено оние кои живеат во сиромаштија, во рурални средини или кои припаѓаат на ромската заедница, се соочуваат со двојна нерамноправност: од една страна поради нивниот економски, социјален, етнички или расен статус, а од друга поради родовите стереотипи и дискриминаторските практики во институциите. Непостоењето ефикасни и доверливи механизми за пријавување дополнително ја засилува нивната ранливост и создава чувство на беспомошност.

Постоечките механизми за пријавување корупција се недоволно функционални, со ограничена транспарентност и слаб капацитет за постапување. Институциите ретко обезбедуваат јасни информации и поддршка за граѓаните, а здравствените работници немаат соодветна обука за етичко постапување и справување со случаи на корупција. Истовремено, јавната дебата за оваа тема останува ограничена, а медиумите често известуваат на начин кој не ги препознава родовите аспекти и штетните последици за ранливите групи.

Проектот „Посилен систем за поправедна заштита: Намалување на корупцијата во здравството“ е дизајниран да одговори токму на овие проблеми. Тој има за цел да ја зголеми отчетноста и транспарентноста во здравствениот систем преку зајакнување на жените и граѓаните да пријавуваат корупција, јакнење на капацитетите на здравствените работници за препознавање и превенција на коруптивни практики и зајакнување на институционалните механизми за постапување. Преку едукативни активности, јавни кампањи и застапувачки иницијативи, проектот ќе придонесе кон создавање систем во кој граѓаните ќе имаат доверба дека нивниот глас е слушнат, а нивните права се заштитени. Проектот го спроведува Здружението за еманципација, солидарност и еднаквост на жените – ЕСЕ со поддршка од Expertise France преку Agence Française de Développement (AFD).

Во рамки на проектот предвидено е организирање на шест дводневни обуки. За таа цел, ве молиме да ни испратите понуда по следните барања и спецификации.

1. Општи информации

Период на одржување:

• Првата обука 4-10 мај во Тетово
• Втората обука 18-22 мај Куманово
• Третата обука 1-15 јуни Св. Николе и Штип
• Четвртата обука 7-11 септември во Прилеп
• Петтата обука 21- 25 септември во Битола

Број на лица за сместување 4 лица, работен простор за максимум 30 лица за работниот дел.

2. Хотелски услуги

Сместување

• Број на гости: 4 лица
• Број на ноќевања: 1 ноќевања (во еднокреветни соби на база на полупансион (појадок и вечера вклучени)
• Дополнителни услови: Бесплатен Wi-Fi, Паркинг (доколку е достапен)

Исхрана

• Ручек за максимум 30 лица на секоја обука
• Мени со предјадење, главно јадење, десерт и пијалок (минерална вода или безалкохолен пијалок)
• Опција за вегетаријанско/веганско мени и мени за лица со специјални потреби во исхраната

Освежување

• Кафе-паузи (3 вкупно) во текот на работните денови
• Кафе, чај, вода, сокови
• Вода за време на работниот дел

3. Работен простор/сала услуги

Сала и опрема

• Конференциска сала со капацитет за 30 лица
• Распоред на седење: во П-форма
• Проектор и платно/LED екран
• Флипчарт и маркери

Дополнителни информации

Ве молиме понудата да ја доставите во износ со вклучен ДДВ, вклучувајќи информации за услови на плаќање и евентуални попусти.

 Потребна документација за аплицирање

Понуда со цена

• Детална финансиска понуда по ставки (сместување, ручек, кафе-паузи, изнајмување сала, опрема и техничка поддршка), со фотографии од просторот.
• Наведена цена по лице/услуга и вкупна цена (нето и бруто, со вклучен ДДВ).
• Потпишување на Изјава под заклетва за критериуми за исклучување, отсуство на судир на интереси (во прилог на овој повик).

Опис на услугите

• Детален опис на хотелските услуги (тип на соби, мени, организација на оброци, кафе-паузи).
• Опис на конференциската сала и техничката опрема за хибриден настан.

Документи за регистрација на компанијата

• Тековна состојба/извод од Централен регистар.
• Даночен број (ЕМБС и ДДВ број ако е обврзник на ДДВ).

Општи услови

• Политика за резервации и откажување.
• Услови на плаќање.
• Информации за евентуални попусти или дополнителни трошоци.

Критериуми за селекција

• Вкупна цена на понудата со калкулација по ставки
• Услови на плаќање
• Квалитет на понудата на услуги (сместување, исхрана и сл.)
• Адекватност на салата (капацитет, распоред на седење, природна светлина/вентилација)
• Квалитет и достапност на опремата (проектор, озвучување, интернет конекција итн.)
• Обезбедена техничка поддршка на лице место
• Пристапност на локацијата (транспортни врски, паркинг простор)

Начин и рок за аплицирање

Потребната документација да се достави во PDF формат по електронска пошта на адресата esem@esem.org.mk, со назнака: Повик за прибирање на понуди за организирање на обуки за проектот „Посилен систем за поправедна заштита: Намалување на корупцијата во здравството“.

Краен рок за доставување на документите е 17.03.2026 година.