Безбедна Европа: Дали решаваме проблем – или само го туркаме под тепих?
Европската Комисија ја претстави новата EU Drug Strategy, документ кој не е правно обврзувачки, но силно влијае врз националните политики. Наместо балансиран пристап, Стратегијата повторно внесува алармистички „drug threat“ наратив и силно ја нагласува безбедноста и сузбивањето на наркокриминалот, со 35 споменувања на „закана“.
Ова создава јасен ризик: поместување на фокусот од здравјето, човековите права и harm reduction кон репресивни политики кои историски покажале дека не го намалуваат пазарот, туку често ја зголемуваат насилната конкуренција и штетите. Дополнително, Акцискиот План се фокусира исклучиво на „drug trafficking“, што е отстапување од претходната пракса каде акциските планови ги опфаќаа сите аспекти на политиката за дроги.
Иако Стратегијата го нагласува континуумот на грижа и ги именува клучните harm reduction сервиси (supervised consumption rooms, naloxone, needle and syringe programmes, drug checking), Комисијата го преместува harm reduction од „Health“ во новата област „Harm“, каде што стои заедно со теми како drug driving и еколошки штети. Овој концептуално погрешен чекор ризикува да го маргинализира harm reduction како клучен дел од правото на здравје.
Стратегијата покажува и назадување во однос на човековите права: исчезнати се упатувањата на UN Human Rights Guidelines и UN Common Position, кои беа централен дел во претходната Стратегија. Алтернативите на казнени мерки и континуитетот на грижа во затворски системи се ослабени или целосно изоставени.
Позитивно е тоа што се признава значењето на граѓанското општество и улогата на peer-групите, но без конкретни обврски за државите да финансираат и суштински да ги вклучуваат.
Сега одлуката е кај земјите членки: тие треба да обезбедат финална верзија на Стратегијата која вистински ќе го штити здравјето, човековите права, континуумот на грижа и harm reduction, наместо да ја засилува репресијата. Потребни се:
- повторно вклучување на човековите права во сите столбови,
- враќање на harm reduction во „Health“,
- јасни обврски за државите во областа на здравје и граѓанско општество,
- нов Акциски План кој ги покрива сите аспекти на политиките за дроги и е усогласен со UN и SDGs.
The post Безбедна Европа: Дали решаваме проблем – или само го туркаме под тепих? appeared first on ХОПС.
Оваа вест изворно е објавена на веб-страната на Здружение ХОПС – Опции за здрав живот Скопје
![[Aggregator] Downloaded image for imported item #51760](https://civicamobilitas.mk/wp-content/uploads/2026/10/viber_image_2026-10-01_17-18-23-732-e1791386995528_mcms-768x512.jpg)
![[Aggregator] Downloaded image for imported item #51688](https://civicamobilitas.mk/wp-content/uploads/2026/10/840133774_17959130763235552_502814887244435070_n-768x512.jpg)
![[Aggregator] Downloaded image for imported item #51690](https://civicamobilitas.mk/wp-content/uploads/2026/10/835640454_10243132301386325_6319941414456541047_n-768x358.jpg)
