Претставник на АКТИВО избран за член на Локалниот младински совет на Општина Велес

Со особена гордост ја споделуваме веста дека Андреј Божиновски, претставник на Центарот за активни граѓани АКТИВО, е избран за член на Локалниот младински совет на Општина Велес.

Изборот на Андреј претставува признание за неговата посветеност, активизам и континуирана заложба за унапредување на младинските права и интереси на локално ниво. Уверени сме дека со своето искуство, енергија и визија, тој ќе придонесе за креирање на политики и иницијативи кои ги одразуваат потребите и гласот на младите.

АКТИВО останува цврсто посветен на поддршката на младите во нивната борба за подобра и поправедна иднина. Ова е уште еден чекор кон зајакнување на младинското учество и влијание во локалната заедница.

Повеќе информации за формирањето на Локалниот младински совет на Општина Велес 

Оваа вест изворно е објавена на веб-страната на Здружение Центар на активни граѓани АКТИВО Велес