Одржан родов форум во општина Јегуновце

2024 година ја завршуваме со уште еден одржан родов форум во рамките на проектот „Еднакви можности за СИТЕ: Градење на родово-одговорни одржливи локални заедници“

На форумот присуствуваа повеќе од 20 претставници на локални чинители во општината кои што имаа можност да дискутираат за потребите на граѓаните во локалните заедници, потребите на мажите и жените, на момчињата и девојчињата во различните области од општественото живеење, а при тоа имајќи го во предвид еднаквиот пристап до ресурси, како и еднаквата вклученост во локалните процеси на донесување на одлуки.

Низ локалната дискусија и работата по работни групи и области произлегоа неколку различни родово-сензитивни граѓански иницијативи за кои што сите заедно ќе застапуваме да бидат дел од активностите на Програмата за локален економски развој на општина Јегуновце за 2025 година

Дискусиите низ форумот ги следеше и градоначалникот на општина Јегуновце, Димитар Костадиноски кој што и активно се вклучи во работата на форумот, а во интерес на унапредување на родовата еднаквост во локалната заедница

Оваа иницијатива е дел од проектот „Заедно за родова еднаквост: Градење поддршка за родово инклузивни политики“, реализиран од ХЕРА – Асоцијација за здравствена едукација и истражување, a финансиран од Владата на Обединето Кралство, со поддршка на Британската амбасада Скопје. Мислењата и ставовите наведени во оваа содржина не ги одразуваат секогаш мислењата и ставовите на Британската Влада.

Оваа вест изворно е објавена на веб-страната на Рурална коалиција Кичево