Годишно интервју на извршната директорка на Рурална Коалиција во Македонското радио

Што Рурална Коалиција сработи во 2024 година? Какви се плановите за 2025 година?

Во гостувањето на Македонското Радио, нашата извршна директорка, Liljana Jonoski ги истакна најзначајните достигнувања од работата на организацијата во 2024 година и тоа: поддршката на младите во нивните активности во локалната заедница преку формирање на локални младински совети, но и поддршка во подготовката на бизнис планови за инвестиции во руралниот развој и туризам, понатаму говореше за поддршката на жените во руралните средини и застапувањето за измените на Законот за здравствено осигурување и обезбедување на платено породилно боледување и боледување при повреда на работното место, но и директна реализација на активности кои што ќе придонесат за нивно економско јакнење и социјална инклузија во локалната заедница

Во интервјуто се говореше и за учеството на Рурална Коалиција во мерењето на Индексот за отвореност на локалната самоуправа во соработка со Metamorphosis Foundation а во рамките на програмата на Civica Mobilitas, а се говореше и за првите локални иницијативи за справување со климатските промени како што е изработката на Локални еколошки акциски планови за општините Општина КичевоОпштина Пласница и Општина Македонски Брод, но и реновирањето на локалната воденица во село Свињишта во рамките на ЛАГ Треска/LAG Treska

Освен достигнувањата, во гостувањето беа споменати и проектите и плановите за работа за 2025 година, па така говоревме за проектот “Патот до селото: Создавање на одржлив рурален развој во срцето на природата“ каде што со поддршка на CNVP Foundation и Prespa Ohrid Nature Trust – PONT кој што е насочен кон зајакнување на туристичкиот потенцијал и капацитетите на населението во руралните средини во насока на заштита и промоција на природата во еколошкиот коридор Илинска-Плакенска планина, но и за унапредувањето на родовата еднаквост и создавање на родово-одговорни одржливи заедници што како подвиг го реализираме во соработка со HERA и British Embassy Skopje

Кога сме кај родовата еднаквост ја споменавме и новата тематска област на која што ќе ги насочиме нашите капацитети со поддршка на Национална Мрежа Против Насилство врз Жените и Семејно Насилство а тоа е справување со родово-базираното и сексуално насилство во локалната заедница

За прв пат имаме и видео запис на нашето годишно работење кое што во секој момент може да го преслушате на нашиот YouTube канал со пристапување на следниот линк.

Огромна благодарност до МРТВ за следењето на нашата работа и остануваме посветени на нашата работа и внесувањето на позитивни промени во локалната заедница во текот на цела 2025 година!

Оваа вест изворно е објавена на сајтот на Рурална коалиција Кичево