8d34fa0f A38f 4a6c A116 C1072ccc1bb0.jpg

Етичка употреба на новите технологии во дигиталното управување: Апел за одговорност

ОдФондација Метаморфозис

На покана на глобалната иницијатива Партнерство за отворена власт (ПОВ) и Регионалната школа за јавна администрација (ReSPA), Мила Јосифовска Даниловска, програмска менаџерка во Фондација „Метаморфозис“ беше говорничка на регионалната конференција „Зајакнување на отворена власт: Состанок за ПОВ за Западен Балкан“ која се одржа на 14 и 15 ноември 2024 година во Тирана, Албанија.

Таа учествуваше на панелот „Унапредување на дигиталното управување во ПОВ областите“ каде што со другите учесници дискутираше за иновации во дигиталното управување и стратегии за градење доверба кај граѓаните.

Други говорници на панелот беа Игор Видачак, професор на Факултетот за политички науки во Загреб, Хрватска, и Надија Конашчук, експерт за отворени податоци од Украина, а модераторка беше Бојана Бајиќ, службеничка за иновации и дигитализација на јавните политики во ReSPA.

„Институциите постојат за да им служат на граѓаните, а технологијата, кога се користи одговорно, има моќ значително да го подобри испорачувањето на јавните услуги.“ – нагласи Јосифовска Даниловска во своето излагање за етичката употреба на нови технологии во поддршка на дигиталното управување.

Во своето излагање, таа ги истакна можностите и ризиците што ги носат новите технологии, особено вештачката интелигенција, во контекст на дигиталното управување. Посебен акцент стави на подобрувањето на одлучувањето базирано на податоци, унапредувањето на јавните услуги преку брза и достапна поддршка, откривањето на измами и намалувањето на корупцијата со помош на алгоритми, зајакнувањето на јавната безбедност и оптимизацијата на здравствениот систем.

Сепак, Јосифовска Даниловска истакна дека овие придобивки се условени од адресирање на етичките предизвици како пристрасност, нарушување на приватноста и ограничена транспарентност. Таа ги повика институциите да воведат етички проверки, транспарентни процеси и инклузивни политики, со цел создавање праведно и одговорно дигитално општество.

Оваа дискусија е потсетник за важноста на одговорноста и почитувањето на човековите права во ерата на дигиталното управување.

Потсетуваме дека Фондација Метаморфозис изготви Истражување за ефектот на новите технологии, со особен фокус на вештачката интелигенција, врз човековите права на интернет кое што предлага минимум етички стандарди за заштита на човековите права на интернет при автоматско донесување одлуки.

Оваа вест изворно е објавена на веб-страната на Фондација Метаморфозис

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор