Почна мапирањето на локалните проблеми во Крушево, Долнени и Кривогаштани

ОдЦивика мобилитас 26/07/202414/02/2025

Здруженијата за млади ЕМПАУРИНГ од Крушево и УРБАНО ГНЕЗДО од Кривогаштани, како и Центарот за млади Пелагонци – ЕТНОС од Долнени, кон крајот на јуни 2024 година реализираа по една работилница во своите заедници на кои учествуваа од 5 до 10 претставници на локалните власти, граѓанскиот сектор и млади активисти.

Работилницата на ЕТНОС се одржа на 27 јуни во просториите на Станица ПЕТ-Прилеп, на тема „Здравствена и противпожарна заштита“. Ја отвори Томе Стефаноски, пожарникар со долгогодишно искуство. Според него, пожарите најчесто се предизвикани од сточарите, а некои се резултат и на политичка одмазда. Д-р Ивана Стојческа Димеска од Приватната здравствена установа (ПЗУ) Св. Спас – Ропотово ја ја истакна тешката состојба со здравствената заштита во Долнени. „Недостасуваат државни здравствени установи, a приватните имаат кратко работно време“, истакна таа. Учесниците предложија да се обезбеди противпожарно возило и возило за брза помош со тим од доктор и сестра, како решение за локалните проблеми.

ЕМПАУРИНГ ја одржаа првата работна средба за секторска анализа на тема „Заштита на животна средина во Пелагонискиот регион“ на 24 јуни во Крушево. Заради обемноста на темата, работната група одлучи секторската анализа да се фокусира на подтемата „Отпадот, нерешено прашање за Пелагонискиот регион“.

„Со учеството во овој проект сакам да помогнам во развојот и напредокот на мојот град, а за таа цел треба да се активираат и другите млади луѓе и да се борат за поголема застапеност во одлучувачките процеси во Општина Крушево како што е решавањето на проблемите со отпадот“, изјави Стефанија Кочоска, член на работната група. За Сотир Маја, претставник на Здружението за спортски риболов „ЗСРК Мрена-1987“ од Крушево проблем е недоволно развиената свест на луѓето за ова прашање. „Проблемот со отпадот сметам дека ќе почне да се надминува со подигање на свеста на луѓето за селекција и рециклирање, но и ако се постават машини за селекција на пластика кои ќе им дадат повратни средства на граѓаните за секое парче пластика“, истакна таа. Дел од учесниците го потенцираа недостатокот на локална депонија, што го отежнува одлагањето на селектиран отпад. Низ дискусијата, преку споделување на позитивните и негативните искуства од членовите на работната група, експертот ги мапира потребите на луѓето од Крушево во врска со отпадот.

Темата на која се дискутираше на работилницата организирана од Урбано Гнездо во Кривогаштани беше „Локален економски развој во Пелагонискиот регион“. Стеве Јанчески, проектниот координатор, ги презентираше досегашните активности на проектот и плановите за идните фази. Се анализираа потребите на младинската популација во регионот, а на основа на дискусиите, експертот ќе ја подготви секторската анализа.

Учесниците беа задоволни од можноста да ги споделат своите мислења и идеи и очекуваат да го видат во пракса нивното спроведување.

Трите работилници се дел од проектот „Младински политики по мерка на младите“ што го спроведува Про Локал во партнерство со Здружението за млади Емпауринг од Крушево, Урбано Гнездо од Кривогаштани и Центарот за млади Пелагонци – ЕТНОС од Долнени.

ENSURE истакнат како значајна иницијатива за идната подготвеност на првите одговорни служби
24/08/202625/08/2026
ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…
Реални искуства од шумските пожари во функција на подобра подготвеност преку ENSURE
24/08/202625/08/2026
Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…
Заедно учиме англиски – нова активност во нашата организација
24/08/202625/08/2026
Започнуваме со изучување на англискиот јазик! Првиот час помина во пријатна атмосфера, со учење на нови зборови и изрази, разговор и многу позитивна енергија. Преку овие часови создаваме можности за учење, стекнување нови знаења и развивање нови вештини. The post Заедно учиме англиски – нова активност во нашата организација appeared…
Школа за водачи Голозинци 2026 во организација на СИМ
21/08/202624/08/2026
Во периодот од 13.08 до 19.08.2026 година, во Извидничкиот центар “Голозинци“, се одржа првиот дел од Школата за Водачи ’26. На школата учествуваа членови од повеќе извиднички одреди: ИПО “Јадран’’ , ИПО “Крсте Јон’’ , Прв Скопски Извиднички Одред, ИО ,“Гоце Делчев“ , ИО “Методиј Митевски-Брицо“ ИО “Мирко Милевски“ ,…
Менторска и коучинг поддршка за корисниците на 𝑩𝒖𝒔𝒊𝒏𝒆𝒔𝒔 𝑯𝒖𝒃
20/08/202624/08/2026
Во рамки на проектот „Заедно сме посилни 2“, кој го имплементираме со поддршка од Фондација Kvinna Till Kvinna, се реализираа активности за обезбедување менторска и коучинг поддршка за корисниците на Business Hub. Менторската и коучинг поддршка претставува индивидуализиран процес преку кој корисниците добиваат насоки, совети и практична поддршка во согласност…
YMLP 2026 – лидерство, самодоверба и незаборавни искуства
19/08/202620/08/2026
Последни новости YMLP 2026 – лидерство, самодоверба и незаборавни искуства Од 8 до 11 јули 2026 година, група средношколци од различни градови низ Македонија се собраа во Битола на кампот YMLP 2026 (Young Men’s Leadership Project) – лидерско и авантуристичко искуство организирано од ИМКА Македонија во партнерство со волонтерите на Мировниот корпус, алумни и локални волонтери. Иако со помал број учесници, YMLP Кампот овозможи секој млад човек да добие индивидуално внимание, да изгради искрени пријателства и да се предизвика себеси преку активности насочени кон развој на лидерски способности, самодоверба и личен раст. Во текот на четирите дена, учесниците работеа на теми поврзани со столбовите на ИМКА – личен развој, лидерство, заштита на животната средина, граѓанска одговорност и кариерен развој. Преку интерактивни работилници, тимски предизвици и практично учење, тие ги препознаваа своите силни страни, ги развиваа комуникациските вештини, учеа да решаваат проблеми во тим и размислуваа како можат позитивно да придонесат во своите училишта и локални заедници. Едукативниот дел беше надополнет со бројни рекреативни и активности на отворено. Учесниците уживаа во куглање, флег-фудбал, олимписки игри, водени предизвици и креативни активности кои поттикнуваа тимска работа и здрав натпреварувачки дух. Еден од најнезаборавните моменти беше кампувањето во Националниот парк Пелистер. Момчињата ноќеваа во шатори, се дружеа околу логорски оган со традиционалните s’mores, го поминаа адреналинскиот парк, пешачеа низ шумските патеки и заеднички решаваа симулација на авионска несреќа, активност која ги стави на тест нивните комуникациски вештини, лидерски способности и носење одлуки под притисок. За самите учесници, најголемата вредност на кампот беа пријателствата и чувството на заедништво. Еден учесник сподели: Спортските активности, огромната количина смеа меѓу нас и запознавањето нови луѓе. Друг учесник го сумираше своето искуство: Активностите беа одлични, луѓето, персоналот – сè беше одлично. Други како највпечатлив дел го издвоија престојот во природа: Кампувањето во шатори, s’mores и стекнувањето нови пријателства. Кампот на Пелистер. Влијанието на YMLP кампот продолжи и по враќањето дома, а родителите забележаа значајни позитивни промени кај своите синови. Еден родител сподели особено емотивно искуство: Мојот син не сака многу да зборува. Најчесто одговара само со ‘да’ или ‘не’ и ретко раскажува што му се случувало во текот на денот. Откако се врати од кампот, стана многу поотворен. Почна да зборува за своите планови, да бара совет и помош, а покажа и поголем интерес за локални прашања како загадувањето, отпадот, планинарските и велосипедските патеки. Почна да ми раскажува како му поминал денот и што правел со пријателите. За мене како родител, тоа е огромна позитивна промена. И други родители забележаа охрабрувачки промени: Подобрени комуникациски вештини. Порасположен, посамоуверен и полн со позитивни впечатоци. YMLP кампот е многу повеќе од четиридневно летно искуство – тој претставува почеток на подолг лидерски пат. Следната година, учесниците ќе имаат можност да аплицираат за програмата Counselors-in-Training (CiT). Оваа програма е дел од целогодишната Leaders-in-Training (LIT) програма на ИМКА Македонија, преку која младите стекнуваат лидерски, менторски, комуникациски и волонтерски вештини, подготвувајќи се да станат идни советници на камповите и лидери во своите заедници. Преку кампот YMLP, ИМКА Македонија продолжува да инвестира во младите, помагајќи им да изградат самодоверба, цврст карактер и практични лидерски вештини што ќе им овозможат позитивно да придонесуваат во своите семејства, училишта и локални заедници.