Rabotilnica (2)

Доброто управување полесно се практикува со воспоставен внатрешен систем

„Одговорно работење и етичко финансирање на граѓански организации“ беше темата на еднодневната работилница, што се одржа во хибриден формат на 14 јули 2022 г. во хотел Холидеј Ин, Скопје и онлајн на платформата ЗООМ. Седумнаесет претставници на граѓанските организации дискутираа за зајакнувањето на ГО за почитување и практикување на заложбите од Кодексот за граѓански организации. Работилницата на која се зборуваше за транспарентноста и отчетноста во организациите и нивната важност, организациските политики, практики и секојдневни операции, но и за предизвиците кои постојат во практикување на доброто владеење и етичкото финансирање од Кодексот, ја фасилитираше Никица Кусиникова, извршна директорка на Конект.

Во првиот дел, учесниците дискутираа за разбирањето на организациите за значењето и важноста на транспарентноста и отчетноста и нивната посветеност кон оваа вредност која се манифестира внатрешно во нивните политики како и во нивните практики и секојдневно работење. Понатаму разговараа за предизвиците со кои се соочуваат додека ги координираат своите активности и како ќе ја унапредат својата работа, почитувајќи ги принципите на добро владеење и етичко финансирање. „Организацијата практикува добро управување кога има воспоставен внатрешен систем кој обезбедува дека организацијата му служи на јавниот интерес. Кодексот преставува збир на принципи. Како тие ќе се применат во голема организација или во новооснована организација ќе биде различно, но секогаш е важно принципот да биде запазен“, е заклучокот од првата практична вежба посветена на доброто управување. Присутните се согласија и дека во секторот многу малку се зборува за спречување на судир на интереси. „Еден од најдобрите начини за справување со судири на интереси е тие целосно да се избегнат“, посочија учесниците дискутирајќи што е судир на интереси, законската рамка, најчестите форми како и начините за справување со судир на интереси.

Во вториот дел, Марија Вишинова од Балканска мрежа за развој на граѓанското општество (БЦСДН), направи краток преглед на Глобалниот стандард (ГС) за отчетност на ГО и напорите да им помогне на организациите да ги усвојат, имплементираат и зајакнат практиките за отчетност, дополнително истакнувајќи ги напорите на БЦСДН и Глобал Стандард (ГС) за поддршка на Кодексот на граѓанското општество и граѓанските организации во нашата земја. Некои од точките за време на дискусијата се рефлектираа на механизмот за проверка за усогласеноста на граѓанските организации со Кодексот, неговата одржливост, и можноста за ревизија во иднина. Учесниците, исто така, беа запознаени со некои од основните материјали и ресурси на ГС, дванаесетте заложби за ГС и можноста за приклучување кон Групата за практика на динамична отчетност, глобалното учење и просторот за споделување знаење за Динамичка отчетност.

Настанот заврши со дискусија и препораки за идната институционализација на Кодексот и нивните напори за зајакнување на внатрешните капацитети, истовремено промовирајќи и обезбедувајќи функционална демократија и оперативна средина на граѓанското општество во земјата.

Досега, вкупно 70 граѓански организации се потпишаа, а сите заинтересирани организации кои сакаат да пристапат на Кодексот ќе може да го направата тоа пополнувајќи ја следната изјава (deklaratë për pranimin e Kodit). Изјавите се депонираат во Македонскиот центар за меѓународна соработка на следниот е-маил: asv@mcms.mk.Со пристапување, организациите стануваат дел од платформата за развивање на Кодексот и подобрување на транспарентноста и отчетноста на граѓанскиот сектор.

rabotilnica (2)

Продолжи со читање

  • Соработката меѓу граѓанските организации и бизнис секторот носи многу заемни придобивки

    „Причината поради која сите сакаме да соработуваме е затоа што сите сакаме да имаме корист. Без разлика дали доаѓате од бизнис секторот или од граѓанскиот, треба да почнете да развивате покомплексно разбирање за заемните придобивки“, им рече Сајмон Форестер, меѓународниот експерт на Цивика мобилитас, на учесниците на  работилницата „Зајакнување на…

  • За што зборуваат кандидатите на локалните избори 2025? #5

    НЕДЕЛЕН ПРЕГЛЕД #5 [13 – 17 октомври 2025] Во последната недела пред изборниот молк имаше засилена активност и обновена мобилизација во медиумските објави со повеќе од 3.000 медиумски текстови и 240 објави на социјалните мрежи, и со јасен раст на ангажманот кон крајот на неделата. Кампањата влезе во завршна фаза…

  • За што зборуваа кандидатите во изборната кампања: Месечен преглед на медиумските објави

    Месечен преглед на медиумските објави [15 септември – 14 октомври 2025] За што зборуваа кандидатите во изборната кампања Изборите за локалната власт беа една од најдоминантните теми во медиумскиот простор со над 11.000 медиумски написи и над 1.100 објави на социјалните мрежи. Анализата открива јасна слика: изборната кампања се води…

  • Новиот амбасадор на Швајцарија ја потврди посветеноста кон граѓанското општество

    Тимот на Цивика мобилитас на 16 октомври ја оствари првата средба со новoназначениот Амбасадор на Швајцарија во Северна Македонија, Н.Е. Кристоф Зомер (Christoph Sommer). „Сметам дека граѓанското општество е многу значајна област на која треба да се фокусираме“, нагласи Амбасадорот, потврдувајќи дека поддршката на граѓанските организации е еден од приоритетите…

  • Кога се штеди на превенција, последиците се скапи – граѓанските организации и институциите со заеднички повик за поголеми вложувања во превенцијата

    Граѓанските организации и институциите од здравствениот сектор отворија јавен дијалог за унапредување на пристапот до квалитетни превентивни здравствени услуги за жените, девојките и ранливите групи, на тематскиот форум „Кога се штеди на превенција, последиците се скапи“ одржан на 15.10.2025 година. Главните заклучоци од дискусијата се дека неопходно е вклучување на…

  • За што зборуваат кандидатите на локалните избори 2025? #4

    НЕДЕЛЕН ПРЕГЛЕД #4 [6 – 12 октомври 2025] Анализата на медиумските и објавите на социјалните мрежи во претходната недела потврдува дека кампањата се засилува, а фокусот е се повеќе на конкретни локални решенија кои директно влијаат на секојдневниот живот на граѓаните. Дискусиите се интензивни на социјалните мрежи, каде што конкретните…

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор