CM-GGA

На 16.10.2025 во рамки на настаните на отворено со караванот за демонстрирање на експерименти во училиштата насловен како „Работилници за повторна употреба и пренамена на био-отпад за ученици”, го поминавме денот со вредните ученици од ООУ “Димо Хаџи Димов”. Младите истражувачи правеа експерименти за пренамена на био отпад поттикнати од живата дискусија и насоките на нашите Експерти.

Експериментиравме со кора од компир, цедевме ладно цедено масло од семки од лен, чиа семе и сончоглед, правевме биодизел.
Преку експериментите ја поттикнуваме љубопитноста на учениците и ја поддржуваме нивната заинтересираност за природните науки и за заштита на природата.

Овие настани на отворено со караванот за демонстрирање на експерименти во училиштата се реализираат во рамките на проектот „Граѓански активизам за остварување на циркуларна економија во управувањето со органски отпад“ спроведуван од Resource Environmental Center – REC North Macedonia Центар за ресурси во животна средина (РЕЦ) – Северна Македонија во партнерство со Eco – Logic и Center for Environmental Democracy – Florozon Флорозон – Центар за еколошка демократија.

Проектот е подржан од владата на Швајцарија преку Цивика мобилитас.
#civicamobilitass, #CHinMK, Цивика мобилитас (civicamobilitas.mk)

На 23 јули, Хелсиншкиот комитет за човекови права во партнерство со ХОПС-Опции за здрав живот и Коалција Маргини организираше обука за членовите и вработените на Комисијата за спречување и заштита од дискриминација со цел да се продлабочи разбирањето за предрасудите, стигмата и дискриминацијата врз ЛГБТИ лицата, луѓето кои употребуваат дроги и лица кои живеат со ХИВ и да се зајакнат капацитетите за недискриминирачки и инклузивен пристап во нивната работа.
Обуката е дел од проектот „Еднаквост сега – Зајакнување на маргинализираните заедници за социјална инклузија и недискриминација“, финансиски поддржан од Владата на Швајцарија, преку Цивика Мобилитас, со грантови за граѓански ангажман.
Експертите од Мрежата за заштита од дискриминација, Тона Карева Талеска и Атанас Аврамов, во оваа обука посебно се задржаа на препознавањето на стигмата и предрасудите што се однесуваат на ЛГБТ луѓето, лицата кои употребуваат дроги и лицата кои живеат со ХИВ. Посебен акцент беше ставен и на препознавањето на личните предрасуди а истовремено како да бидеме сојузници во остварување на нивните права.
Обуката имаше за цел да ги продлабочи знаењата на членовите и вработените во КСЗД во обезбедување заштита од дискриминација на маргинализираните заедници. Дополнително, поголемата сензибилност ќе придонесе и за унапредувањето на работата на КСЗД, во нивните други надлежности, особено активностите кои се насочени кон превенција на дискриминацијата врз жени од маргиналзираните заедници.

Мислењата кои се изразени овде не нужно ги одразуваат ставовите на швајцарската влада, Цивика мобилитас или организациите што го спроведуваат проектот.

Хелсиншкиот комитет за човекови права спроведува мониторинг на постапувањето на Комисијата за спречување и заштита од дискриминација (КСЗД) при заштитата од дискриминација на жените од маргинализирани заедници.

Овој мониторинг е во рамките на проектот „Еднаквост сега – Зајакнување на маргинализираните заедници за социјална инклузија и недискриминација“, финансиран од Цивика мобилитас, кој го имплементира во партнертство со ХОПС- Опции за здрав живот и Коалиција Маргини.

Инфографикот го опфаќа периодот од од 1 јануари до 31 март, 2025 година.

Во текот на месеците мај и јуни 2025 година, партнерите во рамките на проектот „Младинска мрежа за финансиска писменост на Југоистокот“ ги поставија основите на воспоставувањето на младинската мрежа, во која ќе членуваат млади лица од регионот, претставници на организации, компании и други релевантни чинители.

Во месец мај, во Up Hub Струмица се одржа дебата на тема поврзана со пензискиот систем. Во рамките на дебатата, учесниците ги споделија своите ставови и размислувања за принципот на генерациска одговорност како модел на финансирање на пензиите, а имаа можност да научат повеќе за трите пензиски столбови во државата. Посебен интерес во дебатата предизвика улогата на институциите и економската стабилност како предуслов за одржливост на системот. Оваа дебата беше организирана од страна на Промо Идеа Струмица – Носител на проектот.
Од страна на партнерите Новус од Струмица, беше организирана инфо сесија со млади од регионот на која се разговараше за теми како што се буџетирање, штедење и носење одговорни финансиски одлуки – важни аспекти на секојдневниот живот кои често изостануваат од формалното образование.

Во просториите на Креативниот Центар на заедницата НЕКСУС во Радовиш, на 17 јуни 2025, се одржа Регионалната конференција „Финансиска писменост за млади“ – настан кој отвори важни прашања и актуелизираше теми поврзани со финансиската едукација на младите, нивната економска самостојност и улогата на сите чинители во заедницата во подигнување на финансиската култура.
Конференцијата обедини над 30 учесници од Југоисточниот регион – млади луѓе, наставници, претставници од локалните самоуправи, бизнис-секторот и граѓански организации – кои заеднички дискутираа за реалните предизвици со кои младите се соочуваат во доменот на финансиското знаење и управување со лични средства.

Покрај едукативниот карактер, конференцијата служеше и како платформа за вмрежување, размена на идеи и поттикнување нови иницијативи во локалните заедници. Учесниците ја изразија потребата овие теми да добијат континуитет и да се доближат уште повеќе до младите – преку работилници, обуки, дигитални ресурси и соработка со образовни институции.
Проектот „Младинска мрежа за финансиска писменост на Југоистокот“  е поддржан од Владата на Швајцарија преку програмата Civica Mobilitas, а го спроведуваат здруженијата Промо Идеа Струмица, Новус Струмица и КРУНА Плус – Радовиш.

На 14 април 2025 год. се одржа работилница со основното училиште ООУ “Христијан Тодоровски Карпош” од Општина Карпош. Учениците и Експертите заедно правеа биофилм од кора од компири, биодизел, пектин со цел да осознаат што значи процесот на циркуларна економија.

Денот го поминавме со ученици од VII, VIII I IX одделение од ООУ “Христијан Тодоровски Карпош” од Општина Карпош на работејќи заедно на работилница насловена како „Техники за трансформација на биоотпадот”. Дискутиравме за значењето на циркуларната економија, што таа означува и како може да придонесеме преку реупотреба на биоотпад. Во пријатна работна атмосфера продолживме со работа.

Во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со EcoLogic и Center for Environmental Democracy – Florozon – Центар за еколошка демократија, продолживме со одржување на еднодневните Работилници на тема „Техники за трансформација на биоотпадот” со основните училишта од Скопје.

Денот го поминавме со младите истражувачи од ООУ “Јан Амос Коменски” од Општина Карпош на работилница на тема „Техники за трансформација на биоотпадот” со наставничките Александра Блажевска и Христина Димитровска. Започнавме со дискусија за видовите отпад што се рециклираат, видовите на отпад можат да се преработат и за тоа дали учениците знаат што е компост. Ги поканивме учениците заедно да направиме нешто од отпадни масла и вредно работевме три часа. На крајот на денот Експертите задоволно ги пофалија учениците за нивното знаење и вклученост.

На 11 април 2025 год. се одржа работилница со основното училиште ООУ “Јан Амос Коменски” од Општина Карпош. Учениците и Експертите заедно произведоа биодизел, пектин и биофилм од кора од компири, учејќи преку примери за циркуларна економија.

Во рамки на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија, во партнерство со EcoLogic и Center for Environmental Democracy – Florozon – Центар за еколошка демократија, продолжуваме со одржување на едноденвните Работилници на тема „Техники за трансформација на биоотпадот” со основните училишта од Скопје.

HomeАктивностиПОВИК ЗА ПОДНЕСУВАЊЕ ПОНУДА ЗА Избор на оператори во  Младинските Инфо центри за климатски промени во Охрид, Струга и Дебар во рамките на Проектот „Да учиме за климатските промени“

Во месеците март и април 2025 година, успешно се одржаа три тематски предавања на тема „Превенција за подобро здравје“ во општините Могила, Новаци и Битола. Ова беше втората серија на предавања низ општините во пелагонискиот регион како дел од проектот „Нејзин глас – нејзина моќ: зајакнување на маргинализираните жени и девојки во Пелагонија“. Овие предавања како и претходните во општините Прилеп, Долнени и Кривогаштани, се организираа со цел да се подигне свесноста на локалното население за важноста на здравствената превенција и промоција на здрави животни навики.
На предавањата присуствуваа граѓани од различен пол и возраст кои активно се вклучуваа со прашања и коментари. Предавањата беа насочени кон различни аспекти на здравјето, вклучувајќи превенција на хронични болести, значењето на здравата исхрана и физичката активност, како и важноста на менталното здравје. Содржините понудени на овие средби имаа за цел да го едуцираат локалното население за превентивните мерки кои можат да придонесат за подобрување на здравјето, промоција на здрави животни навики кои вклучуваат правилна исхрана, редовна физичка активност и управување со стрес. Објаснети беа основите на здрава исхрана, како и важноста на физичката активност за одржување на здравјето. Особено внимание беше посветено на менталното здравје и техниките за справување со стрес.
„Нејзин глас – нејзина моќ: зајакнување на маргинализираните жени и девојки во Пелагонија“  е проект на Центар за граѓанска иницијатива – Прилеп што се спроведува во партнерство со Здружението за правна едукација и транспарентност СТАНИЦА ПЕТ од Прилеп и Мултиетнчничко здружение за сите воздрасти од с. Црнилиште, Долнени. Проектот е подржан од Владата на Швајцарија преку Цивика мобилитас.

Во текот на  месеците ноември и декември 2024 година беше спроведено истражување за финансиските знаења и вештини на младите лица на возраст од 18 до 29 години во Југоисточен регион. Истражувањето имаше за цел да го процени и утврди нивото на финансиско знаење кај младите.
Според добиените резултати, младите во регионот го самооценуваат своето финансиско знаење со просечна оценка од 3,4 на скала од 1 до 5. Дополнително, истражувањето покажа дека речиси 30% од младите не ги евидентираат и не ги следат своите трошоци на месечно ниво.
Од аспект на управувањето на јавните и локалните финансии, младите генерално имаат познавање за улогата на клучните институции, но постои простор за подобрување особено во делот на улогата на Народна Банка и на Собранието.
Врз основа на резултатите од истражувањето, ќе бидат изготвени тренинг модули кои ќе им овозможат на младите да ги подобрат своите финансиски знаења, особено во областите на личните финансии, јавните финансии и улогата на институциите во нивното управување.
Истражувањето беше спроведено како дел од проектот „Младинска мрежа за финансиска писменост на Југоистокот“, кој е поддржан од Владата на Швајцарија преку програмата Цивика мобилитас. Проектот го спроведуваат здруженијата Промо Идеа и Новус од Струмица, како и Здружение Круна Плус од Радовиш.