Постигнувањата на грантистите на Цивика мобилитас: Мали грантови II дел
Во оваа публикација ги претставуваме приказните на 22 граѓански организации кои аплицирале и добиле грант од Цивика мобилитас за да ги исполнат потребите на нивните членови.
Оваа група на грантисти реализираше различни активности, вклучувајќи: обука на граѓаните за важноста на создавање и формализирање на соработката преку членство во здруженија, заштита на човековите права во културната сфера, вклучување на лица со посебни потреби во културни настани, заштита на работничките права, едукација на жените Ромки за нивните права и Истанбулската конвенција, рехабилитација на жени затворенички, поддршка на слепите лица и лицата со оштетен вид, јакнење на згрижувачките семејства, подигање на свеста за менталните болести, организирање еколошки активности и акции за промовирање на потребата од чиста животна средина, едукација на земјоделците за управување со земјоделски отпад и влијанието врз заштитата на животната средина, истражување за затворање на дигиталниот јаз помеѓу државната и јавната администрација, унапредување и одржување на правични и продуктивни работни средини за развој на локалната заедница, мапирање и формирање на неформална мрежа со активните доброволни противпожарни друштва, промовирање на мултикултурализмот за надминување на стереотипите и предрасудите, економско јакнење на младите и многу други.
Иако постигнатото досега е значајно, свесни сме дека патот до целосна промена е продолжен. Сепак, веруваме дека постигнувањата на овие организации ќе служат како инспирација за сите нас, да продолжиме заедно да работиме на општествени промени.
