Општествена одговорност на граѓаните 2021
Македонија центар за меѓународна соработка (МЦМС) по петти пат ја истражуваше општествената одговорност на граѓаните. Чувството на одговорност што граѓаните го покажуваат во поглед на влијание, учество и решавање на општествените проблеми е клучна компонента за развојот на граѓанското општество и на општеството во целост. Граѓанското општество, за да биде ефективно и успешно, зависи од активните и општествено одговорни граѓани кои ќе се вклучат во неговото функционирање. Тоа е основен дел од долгорочната цел на МЦМС, која е изградба на силно и влијателно граѓанско општество.
Во таа насока, МЦМС редовно ја следи и анализира општествената одговорност на граѓаните. Првото истражување во оваа област беше спроведено во 2006 година, кога истовремено се испитуваше и степенот на доверба. По тоа следуваа истражувања во 2007, 2009, 2010 и 2021 година, со цел постојано подобрување на методологијата и анализа на трендовите. Извештајот е надграден на основа на претходните искуства и глобалните трендови, користејќи индекси за ставовите и навиките на граѓаните, што овозможува појасна анализа на општествените промени. Воведувањето на нови прашања и периодичното повторување на истражувањето ја зголемуваат употребливоста на извештајот.
МЦМС верува дека извештајот „Општествената одговорност на граѓаните“ ќе биде корисен за организациите на граѓанското општество во создавањето на стратегии за поголемо вклучување на граѓаните и добивање на нивната поддршка. Извештајот нуди вредни информации и за државните институции, кои можат да ги искористат во процесот на креирање на политики. Исто така, МЦМС се надева дека анализа на резултатите ќе биде корисна и за приватниот сектор, студентите и истражувачите на општествените појави.
