Untitled Design(4)
|

Повик за прибирање на понуди за конференциски услуги за организирање на настан

Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и достапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита. Овие појави не само што ја поткопуваат довербата во институциите, туку создаваат дополнителни бариери за еднаков пристап до основното човеково право – здравје.

Корупцијата во здравството има и изразена родова димензија. Жените, особено оние кои живеат во сиромаштија, во рурални средини или кои припаѓаат на ромската заедница, се соочуваат со двојна нерамноправност: од една страна поради нивниот економски и социјален статус, а од друга поради родовите стереотипи и дискриминаторските практики во институциите. Непостоењето ефикасни и доверливи механизми за пријавување дополнително ја засилува нивната ранливост и создава чувство на беспомошност.

Постоечките механизми за пријавување корупција се недоволно функционални, со ограничена транспарентност и слаб капацитет за постапување. Институциите ретко обезбедуваат јасни информации и поддршка за граѓаните, а здравствените работници немаат соодветна обука за етичко постапување и справување со случаи на корупција. Истовремено, јавната дебата за оваа тема останува ограничена, а медиумите често известуваат на начин кој не ги препознава родовите аспекти и штетните последици за ранливите групи.

Проектот „Посилен систем за поправедна здравствена заштита: Намалување на корупцијата“ е дизајниран да одговори токму на овие проблеми. Тој има за цел да ја зголеми отчетноста и транспарентноста во здравствениот систем преку зајакнување на жените и граѓаните да пријавуваат корупција, јакнење на капацитетите на здравствените работници за препознавање и превенција на коруптивни практики и зајакнување на институционалните механизми за постапување. Преку едукативни активности, јавни кампањи и застапувачки иницијативи, проектот ќе придонесе кон создавање систем во кој граѓаните ќе имаат доверба дека нивниот глас е слушнат, а нивните права се заштитени. Проектот е поддржан од Expertise France, преку AFD – Agence Française de Développement.

Во рамки на проектот предвидено е организирање на дводневен настан. За таа цел, ве молиме да ни испратите понуда по следните барања и спецификации:

 

Општи информации

– Датум на одржување: 13 – 14.06.2026

– Вид на настан: Дводневен работен настан

– Број на учесници: За сместување – 17 лица, за работниот дел – 20 лица.

 

Хотелски услуги

Сместување

– Број на гости: 17 лица

– Број на ноќевања: 1 ноќевање со појадок (пристигнување на 13 јуни, заминување на 14 јуни) во еднокреветни соби

– Дополнителни услови: Бесплатен Wi-Fi, Паркинг (доколку е достапен)

Исхрана

– Ручек за 20 лица на 13 и 14 јуни 2026

– Вечера за 17 лица сместени во хотелот на 13 јуни 2026

– Мени со предјадење, главно јадење, десерт и пијалок (минерална вода или безалкохолен пијалок)

– Опција за вегетаријанско/веганско мени и мени за лица со специјални потреби во исхраната

Освежување

– Кафе-паузи (4 вкупно) во текот на работните денови (13 и 14 јуни)

– Кафе, чај, вода, сокови

– Вода за време на работниот дел

 

Конференциски услуги

Сала

– Конференциска сала со капацитет за 20 лица (мала сала)

– Термини: 13 и 14 јуни 2026 година (2 дена)

– Распоред на седење: во П-форма

Опрема и техничка поддршка

– Проектор и платно/LED екран

– Озвучување со безжични микрофони

– Флипчарт и маркери

Дополнителни информации

– Вклучете информации за услови на плаќање и евентуални попусти.

 

Потребна документација за аплицирање

Понуда со цена

– Детална финансиска понуда по ставки (сместување, ручек, кафе-паузи, изнајмување сала, опрема и техничка поддршка), со фотографии од просторот.

– Наведена цена по лице/услуга и вкупна цена (нето и бруто, со вклучен ДДВ).

– Потпишување на Изјава под заклетва за критериуми за исклучување, отсуство на судир на интереси (на следниов линк).

 

Опис на услугите

– Детален опис на хотелските услуги (тип на соби, мени, организација на оброци, кафе-паузи).

– Опис на конференциската сала и техничката опрема.

Регистрациски документи на компанијата

– Тековна состојба/извод од Централен регистар.

– Даночен број (ЕМБС и ДДВ број ако е обврзник на ДДВ).

Општи услови

– Политика за резервации и откажување.

– Услови на плаќање.

– Информации за евентуални попусти или дополнителни трошоци.

 

Критериуми за селекција

– Вкупна цена на понудата со калкулација по ставки

– Услови на плаќање

– Квалитет на понудата на услуги (сместување, исхрана и сл.)

– Адекватност на салата (капацитет, распоред на седење, природна светлина/вентилација)

– Квалитет и достапност на опремата (проектор, озвучување, интернет конекција)

– Обезбедена техничка поддршка на лице место

– Пристапност на локацијата (транспортни врски, паркинг простор)

 

Начин и рок за аплицирање

Потребната документација (вклучително потпишаната Изјава под заклетва за критериуми за исклучување, отсуство на судир на интереси)  да се достави во PDF формат по електронска пошта на адресата esem@esem.org.mk, со назнака: Повик за прибирање на понуди за конференциски услуги за организирање на настан за проектот „Посилен систем за поправедна здравствена заштита: Намалување на корупцијата во здравството“.

Краен рок за доставување на документите е 14 мај 2026 година.

This post was originally published on this site

Продолжи со читање

  • ПРИЈАВИ СЕ: „Не ме ставај во рамка!“ – Девојки против стереотипите

    Дали сакаш да ги преиспиташ стереотипите, да го изразиш своето мислење и да придонесеш за општество во кое секоја девојка може слободно да биде тоа што е? Те покануваме да се пријавиш за учество во проектот „Не ме ставај во рамка!“ – Девојки против стереотипите, кој го спроведува Здружението за заштита и унапредување на животната средина Еко […]

  • БАРАЊЕ ЗА ДОСТАВУВАЊЕ НA ПОНУДИ ЗА ОРГАНИЗИРАЊЕ НА ЈАВЕН ФОРУМ

    Хелсиншкиот комитет за човекови права, во рамки на проектот „Equitable Governance: Enhancing Gender Responsive Budgeting in North Macedonia“, поддржан од UN Women, објавува барање за доставување на понуди за изнајмување на конференциска сала и угостителски услуги за одржување на јавен форум на 17 ноември 2026 година во Штип за 35 лица. Опис на бараната набавка: […]
    Read More… from БАРАЊЕ ЗА ДОСТАВУВАЊЕ НA ПОНУДИ ЗА ОРГАНИЗИРАЊЕ НА ЈАВЕН ФОРУМ
    The post БАРАЊЕ ЗА ДОСТАВУВАЊЕ НA ПОНУДИ ЗА ОРГАНИЗИРАЊЕ НА ЈАВЕН ФОРУМ appeared first on Хелсиншки комитет за човекови права.

  • Отворен повик за аплицирање за стипендии за професионално усовршување во рамките на програмата „Заедници со интегритет“

    Oтворен е повик за аплицирање за стипендии за професионално усовршување, наменети за вработените во општините и институциите опфатени со програмата „Заедници со интегритет“, кои имаат интерес за професионален развој преку учество на обуки, тренинзи, курсеви и сертифицирани програми. Право на аплицирање имаат вработените во општините Град Скопје, Битола, Боговиње, Гази Баба, Куманово, Македонска Каменица, Неготино, […]
    The post Отворен повик за аплицирање за стипендии за професионално усовршување во рамките на програмата „Заедници со интегритет“ appeared first on IDSCS.

  • Повик за изразување интерес за приклучување кон Националниот консултативен механизам за Реформската агенда 2024-2027 (НКМ-РА) на Северна Македонија

    Институтот за европска политика – Скопје (ЕПИ) како координатор на регионалниот проект „Следење реформи и раст во Западен Балкан“ кој се спроведува во партнерство со партнерите од мрежата „Мисли за Европа“ (Think for Europe Network (TEN)),  ги повикува сите заинтересирани граѓански организации (ГО), стопански комори, социјални партнери, академската заедница и други засегнати чинители во Северна […]
    The post Повик за изразување интерес за приклучување кон Националниот консултативен механизам за Реформската агенда 2024-2027 (НКМ-РА) на Северна Македонија appeared first on EPI.

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор