Кодексот за граѓански организации воспоставен 2021 година, има за цел да го зајакне системот на саморегулација и да придонесе до поголема професионалност и отчетност. Тој е еден од инструментите на Цивика мобилитас за подобрување на довербата во граѓанските организации, за обезбедување поширока отчетност за нивната работа, а со тоа и потврда на јавниот интерес во процесите на креирање на политиките од интерес за граѓаните, а за кои добиваат ресурси.
Овој Кодекс е доброволен, а секоја граѓанска организација која ќе му пристапи презема одговорност за почитување и практикување на заложбите, вредностите и стандардите утврдени во него. Кодексот е жива материја и ќе се унапредува од страна на граѓанските организации доследно и континуирано.
Повеќе од 120 граѓански организации веќе се потпишаа, а сите заинтересирани организации кои сакаат да пристапат на Кодексот ќе може да го направата тоа пополнувајќи ја следната изјава (deklaratë për pranimin e Kodit). Граѓанските организации кои ќе пристапат на Кодексот, потребно е да известуваат за спроведувањето на Кодексот во своите годишни организациски извештаи, да соопштат на своите социјални медиуми и слично.
Цивика мобилитас воспостави механизам за следење на спроведувањето на Кодексот, а резултатите од следењето ќе се споделат со организациите и со јавноста.
