Author: Центар за одржлив развој на заедницата Дебар

  • ПОКАНА ЗА ИЗЛОЖБА

    ИЗВЕСТУВАЊЕ / ПОКАНА ЗА ИЗЛОЖБА   Центарот за одржлив развој на заедницата – Дебар со задоволство ги поканува учениците, родителите, наставниците […]

  • ПОВИК ЗА УМЕТНИЧКИ КОНКУРС

    ПОВИК ЗА УМЕТНИЧКИ КОНКУРС „Надежта што се Преродува“ Центарот за Одржлив Развој на Заедницата – Дибër ги поканува учениците од […]

  • Студиска посета во НП Маврово

    Во организација на Центарот за одржлив развој на заедницата од Дебар а во рамки на проектот ,, Учиме за климатските […]

  • JАВЕН ПОВИК ЗА УЧЕСТВО ВО МЕНТОРСКАТА ПРОГРАМА ВО РАМКИТЕ НА ПРОЕКТОТ GROWTH

    JАВЕН ПОВИКЗА УЧЕСТВО ВО МЕНТОРСКАТА ПРОГРАМА ВО РАМКИТЕ НА ПРОЕКТОТGROWTH – Генерирање вистински можности преку работа, талент и ангажман
    Центарот за одржлив развој на заедницата – Дебар објавува јавен повик за млади и невработени лица со живеалиште на територија на општина Дебар за учество во Менторската програма во рамките на проектот GROWTH, кој се спроведува во соработка со партнерите: Општина Књажевац (Србија), Општина Никшиќ (Црна Гора), TREDEA – Агенција за развој на Требиње (Босна и Херцеговина), со поддршка од Фондот за Западен Балкан (WBF).
    ЦЕЛ НА ПРОГРАМАТА:
    Развој на претприемачки и креативни вештини преку практична работа, менторство и креирање на одржливи производи во рамките на креативните индустрии. Програмата е особено насочена кон невработени млади лица, на кои ќе им се обезбеди стручна поддршка и мотивација за развој на сопствени идеи и бизнис модели.
    ПРОГРАМАТА ВКЛУЧУВА:

    Работа со ментори од областа на претприемништво, креативни индустрии и брендирање;

    Обука преку четири практични модули;

    Развој и презентација на прототип на производ;

    Можност за вмрежување со учесници од регионот;

    Изработка на бизнис планови;

    Учество на завршна конференција во Никшиќ.

    ТРАЕЊЕ НА ПРОГРАМАТА:
    Петдневната менторска програма ќе се реализира во јули и август во Дебар.
    УСЛОВИ ЗА АПЛИЦИРАЊЕ:

    Статус на невработено лице;

    Живеалиште на територија на општина Дебар;

    Предност имаат припадници на маргинализирани групи (млади, жени, припадници на малцинства, лица со попреченост итн.).

    ПОТРЕБНА ДОКУМЕНТАЦИЈА:

    Копија од лична карта или пасош;

    Доказ за невработеност;

    Уверение за живеалиште;

    Биографија (CV);

    Мотивациско писмо (максимум 1 страница) во кое кандидатот ја објаснува својата заинтересираност за програмата, идејата или областа на интерес, и што очекува да постигне преку учество во програмата.

    НАЧИН НА АПЛИЦИРАЊЕ:
    Документацијата треба да се испрати на е-адресата: contact@cscd.org.mk со назнака “Апликација за Менторската програма – GROWTH” или да се достави во канцеларијата на здружението во плико со назнака: “за апликација за Менторската програма – GROWTH”.
    РОК ЗА ПРИЈАВА:
    Апликациите може да се поднесат најдоцна до 10.07.2025 година, до 13:00 часот.
    За сите дополнителни информации, контактирајте не преку е-пошта: contact@cscd.org.mk.

    Related

    Shuip Marku
    Share This Story, Choose Your Platform!

  • Младинска моќ против климатските закани во Охрид, Струга и Дебар

    Како изгледа кога три граѓански организации здружуваат сили за да им овозможат на младите да станат двигатели на промени? Како изгледа кога Eзерото станува училница, а бродот подиум за гласот на младоста и науката? Проектот „Да учиме за климатските промени“ ја даде токму таа можност за генерациите кои учат, соработуваат, замислуваат решенија и храбро чекорат кон одржлива иднина.
    Спроведуван од Извидничко поречанскиот одред „Крсте Јон“ – Струга, здружението Центар за одржлив развој на заедницата – Дебар и Регионалниот зелен центар – Охрид, поддржан од Цивика мобилитас преку Владата на Швајцарија, проектот е фокусиран на децата и младите од Струга, Охрид и Дебар. Иницијативата ги надмина бариерите на возраста, јазикот и општинските граници, градејќи една заедничка мрежа на знаење, емпатија и акција.

    Една од серијата активности што ја обележаа оваа иницијатива започна со дводневна обука во Струга, каде 30 млади учесници добија основа за проектна работа: од анализа на повикот, дефинирање цели, до изработка на логичка рамка и составување буџет. За многумина ова беше првпат да се запознаат со концептите кои се темел на граѓанското дејствување. „Беше многу интересно, имаше дружење, тимска работа, многу искуства што инаку не би ги очекувала од секојдневниот живот, ако не бевме на проектов“, вели Мина Краљ, (13 години) учесничка од Струга. „Сега веќе имам некое познавање за тоа како се пишува проект, и тоа ме прави посигурна“.
    Оваа обука беше вовед во петдневниот младински камп за климатски промени. Динамично, едукативно и емотивно искуство во кое младите го продолжија започнатото. Нивната задача беше амбициозна односно, да осмислат по една проектна апликација за климатски прашања, што реално може да се спроведе во нивните општини. Но, уште поважно беше да создадат нешто свое, нешто што ги одразува нивните грижи и нивните соништа.

    Во секоја активност, започнувајќи од утринските вежби за фокус и смирување, до креирањето на визуелни презентации, се чувствуваше посветеноста на тимот. Една од учесничките, Јана Танаскоска од с.Калишта, струшко вели: „Ми беше првпат да учествувам во ваков проект. Сара, нашата обучувачка, ни даде простор да зборуваме сите, и ми се допадна што истовремено преведуваше и на македонски и на албански јазик. Кампот најмногу ќе го паметам по дружењето, но и по тоа што научивме колку е важно да можеш да напишеш и да спроведеш идеја“. Младите не беа само учесници туку и автори. Една група предложи еко-иницијатива за Вишни, мало планинско село каде често се остава отпад од посетителите. Нивните предлози беа поставување соларни штекери, организирање работилници, подигање на свеста меѓу жителите и посетителите. „Сакаме да покажеме дека и ние од Струга знаеме што се случува во светот“, додаде Јана. Редон Јајага, (17 години) од Дебар, опишува како за него кампот бил вистинска пресвртница: „Научив многу, не само за проектите, туку и за себе. По природа сум затворен тип, а тука стекнав пријатели, почнав и по малку да зборувам македонски. Најголем предизвик не ми беше буџетот, туку како да најдеме решение за сите проблеми“.

    Во текот на кампот, младите развиваа свои идеи и правеа цртежи со лична визуализација на светот што сакаат да го изградат. И кога на крајот беше време за презентирање, секој глас звучеше храбро и сигурно. Некои проекти се насочија кон заштита на животински видови во изумирање, други кон рециклажа и чистење, трети кон локално застапување. Она што ги обединуваше сите беше желбата за промена и иницијативата што доаѓа од самите нив.
    Кулминацијата на неделата беше 21 јуни – Денот на Охридското Езеро. На бродот „Галеб“, на Езерото, се одржа регионален настан кој ги обедини науката, граѓанскиот сектор, институциите, младите и нивните семејства. Тоа не беше обичен настан, туку жива, симболична слика на она што го претставува овој проект или заедништво и решителност.

    „Започнавме со работилници во училиштата, инициравме дискусии, направивме 45 објави што стигнаа до над 45.000 луѓе. Младите сакаат да се вклучат, треба само да им се даде можност,“ рече Ана Бојаџиева, координаторка од Регионалниот зелен центар – Охрид.
    Панел-дискусијата на бродот беше водена од експертот за управување со води, Дејан Пановски, кој истакна дека Денот на Езерото, востановен во 2000 година од македонско-албанскиот одбор, е симбол на прекуграничната соработка и заедничката грижа за природниот ресурс. Во панелот учествуваше и д-р Орхидеја Тасевска од Хидробиолошкиот завод од Охрид, која ги истакна сериозните предизвици со кои се соочува Езерото: пад на водостојот, зголемен притисок врз автохтоните видови, нарушување на биолошката рамнотежа. „Секоја капка што ќе ја изгубиме денес, може да биде ненадоместлива утре“, рече таа, посочувајќи на потребата од итна акција. „За мене највпечатливо беше тоа што младите не само што беа таму, тие зборуваа, имаа идеи и беа слушнати“, додаде Душица Боева, експерт за Аква култура. „Тоа што го видов на бродот не беше само панел-дискусија, туку тоа беше заедничка грижа и подадена рака меѓу генерации“.

    Проектот „Да учиме за климатските промени“ успешно ги руши бариерите, генерациски, национални и институционални. Ја потврдува важноста на секој поединец, особено на младите, во заштитата на нашето најскапоцено наследство – природата и водата. Се зајакнуваат капацитетите на младите, се градат мостови меѓу заедниците, се овозможува реална микро-поддршка за нивни проекти.
    Во еден миг, бродот стоеше закотвен со поглед кон стариот дел на Охрид. Над него небо, под него Езерото, а на него, млади што се смеат, слушаат, предлагаат, и експерти, претставници на локалната власт, и родители кои им ја даваат најголемата поддршка за вклучување во иницијативи за заштита на животната средина.
    На крајот од оваа извонредна недела, не остана само споменот од дружбата, знаењето и енергијата, туку и нешто многу поважно: чувство на моќ кај младите дека тие можат да иницираат вистински промени. Во нивните очи се гледаше одлучноста, во нивните идеи – решенија, а во нивниот ангажман иднината што сите ја посакуваме.

    И како што рече Душица И. Боева „Токму младите се двигатели на промените и клучни актери во креирањето на идни политики“. Преку лични сведоштва и креативни еко-иницијативи, тие покажаа дека ангажманот на новите генерации не е само инспиративен туку и ефикасен.
    Проектот „Да учиме за климатските промени“  отвори простор за учење, создаде заедница или мрежа на млади луѓе кои размислуваат, дејствуваат и ја гледаат иднината не како предизвик, туку како можност што започнува со нив. Нам ни останува да ги следиме нивните чекори и да сведочиме на патот од идеја до реализација.

  • Прва заедничка патрола во планинскиот масив Шар-Кораб!

    🚶‍♂️🌄
    На 30 јуни беше организирана првата прекугранична заедничка патрола во заштитениот планински масив Шар-Кораб – кај граничната пирамида бр. 9, во регионот на планината Веливар, во рамки на Националниот парк Маврово и Заштитената зона Кораб-Коритник, во близина на населените места Рабдишт (Албанија) и Жировница (Северна Македонија).
    🔍 Целта на патролата беше да се зголеми ефикасноста во надзорот и целосното мониторирање на прекуграничните заштитени зони, како и подобро откривање и спречување на незаконски активности. Патролата ги координираше напорите за заштита на екосистемите кои се протегаат преку двете земји.
    👥 Во патролата учествуваа претставници од институциите на двете земји – чувари и стручњаци од Националниот парк Маврово, Националниот парк Шар Планина, Природниот парк Кораб-Коритник, гранична полиција, пожарникари и локални чувари од околните села.
    🚶‍♀️🚶‍♂️ Тимот од Северна Македонија тргна од пасиштата кај с. Жировница со пешачење над 10 км, а албанскиот тим од кај бачилата на Илница до пасиштата над с. Рабдишт – околу 8.5 км. По средбата, патролата продолжи со дрон и двоглед, мапирајќи и запишувајќи знаци на нелегално берење на лековити растенија, прекумерна паша, нелегални премини од туристи, чаури од лов, и други интервенции од мештани.
    🔭 Забележана беше и појава на дива коза, мечка, срна, орел, како и нивните најчести коридори. Истовремено беа евидентирани и критични зони со ризик од пожари.
    🔁 Средбата заврши со размена на информации, искуства и потребата за постојана координација. Албанската страна доби задача да ги засили контролите во пунктовите за собирање лековити растенија – особено за заштита на листовите од боровинка, корените од салеп, и примулата.
    📅 Следни заеднички патроли ќе се реализираат во периодот јуни – септември 2025.
    🌍 Активноста се реализира во рамки на проектот „Заштита и одржливо користење на заштитените подрачја на Шар Планина, Маврово и Кораб-Коритник“, финансиран од PONT – Prespa Ohrid Nature Trust, имплементиран од ALCDF во партнерство со CSCD и ЛАГ Туристичка Дебар.
    #ШарКорабПатрола #ПрекуграничнаСоработка #ЗаштитаНаПриродата #ОдржливРазвој #PONT #ALCDF #Маврово #КорабКоритник #ЗаштитениПодрачја

    Related

  • Втор ден АЛФОРУМ 2025 – „Потребна е гласност за мир во Газа, Украина, Иран, Израел“

    Кога на престижен форум , пред стотици граѓански активисти еден висок преставник на власта ќепризне дека континентот на кој припаѓаме не е во состојба да споделува креативни решенијатреба да знаеме дека е време да се преземе акција. Премиерот на Р Албанија, Еди Рама во своетообраќање на Алфорумот 2025 порача дека поголемиот дел во светот е заинтересиран за дијалог исоработка.„Нема многу простор да се прашува за конверзација што мора да се отвори за некои поинаквипатеки за разбирање и може д помогне да се сфати дека повеќе не живееме на континент чиикорени се потпираат на неговиот сентимент на доминација. Повеќе не сме континент чиенајголемо споделување е креирање ,континент каде водечките процеси во многу аспекти беаполоши ? а денес нашиот континетн и не само нашиот континент туку и 12 проценти од светотделат останатото е 88 проценти и остаток е се повеќе заинтересиран за дијалог и соработка. “–рече премиерот на Р. Албанија , Еди Рама.Арогантните европејци направија голема грешка затоа што мислеа дека својата методологија ќему ја наметнат на целиот евромедитеран. Но предупредува Мигел Анхел Моританос, заменикгенерален секретар, висок преставник на УНАОК и специјален пратеник на ОН за борба противисламофобија, ако сакаме да постигнеме партнерство мора да почнеме заедно и да имамеколективна медитеранска. Тој е дезигниран затоа што граѓанските организации не го кренат гласотза мир во Газа, Украина, Иран и Израел.„Мораме да идентификуваме кои ни се предизвиците во иднината, а првото е мирот. Ниекористиме зборови како мир,селам, шалом итн. ама не го практикуваме тоа. Во светот во којживееме денес, во војна, во многу неприфатлива ситуација, , јас не гледам, јас не слушамгласот на мирот. Не гледам дека вие луѓе одите на улиците да ја прашате државата за мир , замир во Газа, за мир во Украина, за мир во Иран и за мир за Израел“ – вели Анхел Моританос.И не е само да се крене гласот, туку и да се надминете себе си особено ако сте на некоја високапозиција, затоа што мирот можат да го воспостават само лидерите, моќта е во нивните рацепорача Младен Иваниќ, претседател на претседателството на БиХ. Го сподели своето искуствокако србин чија прва задача била да ја предводи делегацијата од својата земја на исламскатаконференција во Техеран. Го исмевале но тој се водел од интересите на државата.„Значи србин да биде таму и не можете да замислите колку силно бев критикуван. Носевнаоќари во тоа време и направија слики како да сум Јасер Арафат со шамија и наочари. Но акое твоја задача и ако се работи за твојата држава само преставувај ја твојата држава. Беше големпредизвик за мене.“- раскажа Младен Иваниќ.Алфорумот го живее вториот ден во духот на различните нации, религии , уредувања од регионотна медитеранот обидувајќи се да даде одговори на многу прашања за подобра иднина нагенерациите што доаѓаат.Фиљана Кока МТВ1, Центар за одржлив развој на заедницата – Дебар

    Related

    Shuip Marku
    Share This Story, Choose Your Platform!

  • АЛФОРУМ 2025, ТИРАНА „Евро-Медитеранот – Единство во различностите“

    АЛФОРУМ 2025, ТИРАНА„Евро-Медитеранот – Единство во различностите“
    Претставници од целиот евро-медитерански регион од 18 до 20 јуни се собираат во главниот град на соседна Албанија. Тирана е годинашен домаќин на ALFORUM 2025 – еден од најголемите форуми досега, со учество на околу 1.000 претставници: граѓански организации, млади лидери, влијателни личности, владини и институционални претставници, мислители и експерти од 43 земји.
    Од форумот се очекуваат идеи, предлози и практични решенија од креаторите на политики и други релевантни засегнати страни во областите на меѓукултурниот дијалог, екологија, културно наследство, борба против дезинформации и лажни вести, младински политики, родова еднаквост и многу други теми.
    АЛФ форумот нуди партиципативни искуства, културни настапи и интерактивни сесии што ќе претставуваат моќна платформа не само за обликување на идните насоки на Фондацијата „Анна Линд“ и нејзините партнери, туку и за поттикнување дебати и значајни промени на двата брега на Медитеранот.
    Преку објективите на медиумите и очите и ушите на новинарите, јавноста не само што ќе биде информирана за богатството од различности во евро-медитеранскиот регион, туку и ќе се сензибилизира за темите што го засегаат обичниот човек – и за тоа како секое општество им приоѓа на неговите предизвици.
    Во рамки на форумот ќе се одржат неколку пленарни сесии и стотици тематски панели со говорници од сите земји на регионот. Експерти ќе споделат непроценливо искуство преку живи примери и успешни решенија.
    АЛФОРУМОТ беше отворен од принцезата Рим Али, претседателка на Фондацијата „Анна Линд“, а свои обраќања имаа и Игли Хасани, министер за Европа и надворешни работи на Република Албанија, како и Анууела Ристани, в.д. градоначалничка на Тирана. Премиерот на Албанија ќе се обрати утре.
    На форумот учествуваат и претставници од Северна Македонија, меѓу кои и претседателката на фондацијата „Анна Линд“ за Македонија.
    Фиљана Кока, МТВ1, Центар за одржлив развој на заедницата – Дебар

    Related

Нема повеќе содржини

Нема повеќе содржини

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор