Повик за ангажман на правно или физичко лице за снимање, фотографирање, монтажа и промоција на јавни настани

„Посилен систем за поправедна здравствена заштита: Намалување на корупцијата“

Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и достапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита. Овие појави не само што ја поткопуваат довербата во институциите, туку создаваат дополнителни бариери за еднаков пристап до основното човеково право – здравје.

Корупцијата во здравството има и изразена родова димензија. Жените, особено оние кои живеат во сиромаштија, во рурални средини или кои припаѓаат на ромската заедница, се соочуваат со двојна нерамноправност: од една страна поради нивниот економски и социјален статус, а од друга поради родовите стереотипи и дискриминаторските практики во институциите. Непостоењето ефикасни и доверливи механизми за пријавување дополнително ја засилува нивната ранливост и создава чувство на беспомошност.

Постоечките механизми за пријавување корупција се недоволно функционални, со ограничена транспарентност и слаб капацитет за постапување. Институциите ретко обезбедуваат јасни информации и поддршка за граѓаните, а здравствените работници немаат соодветна обука за етичко постапување и справување со случаи на корупција. Истовремено, јавната дебата за оваа тема останува ограничена, а медиумите често известуваат на начин кој не ги препознава родовите аспекти и штетните последици за ранливите групи.

Проектот „Посилен систем за поправедна здравствена заштита: Намалување на корупцијата“ е дизајниран да одговори токму на овие проблеми. Тој има за цел да ја зголеми отчетноста и транспарентноста во здравствениот систем преку зајакнување на жените и граѓаните да пријавуваат корупција, јакнење на капацитетите на здравствените работници за препознавање и превенција на коруптивни практики и зајакнување на институционалните механизми за постапување. Преку едукативни активности, јавни кампањи и застапувачки иницијативи, проектот ќе придонесе кон создавање систем во кој граѓаните ќе имаат доверба дека нивниот глас е слушнат, а нивните права се заштитени. Проектот е поддржан од Француската Развојна Агенција – Expertise France.

1.1. Предмет на ангажманот и работни задачи

Здружението ЕСЕ објавува повик за ангажирање правно или физичко лице за снимање, фотографирање, монтажа и промоција на еден „герила“ настан во Скопје и четири локални јавни трибини во Куманово, Тетово, Свети Николе и Прилеп, во рамки на национална мултимедијална кампања насочена кон подигнување на јавната свест за корупцијата во здравството.

Настаните ќе се реализираат во септември и октомври 2025 година, на датуми кои дополнително ќе се договорат со ЕСЕ. Ангажираното лице/тим треба да биде достапно за теренско снимање и фотографирање во наведените градови, како и за навремена обработка и доставување на финалните материјали.

Ангажираното лице ќе биде задолжено за:

• подготовка на краток план за снимање, фотографирање и медиумска промоција на настаните;
• професионално видео снимање и фотографирање на „герила“ настанот во Скопје;
• професионално видео снимање и фотографирање на четири локални јавни трибини во Куманово, Тетово, Свети Николе и Прилеп;
• снимање атмосфера, клучни пораки, изјави/инсерти, активности и реакции на учесници/публика, во согласност со насоките на ЕСЕ;
• обработка и селекција на фотографии од секој настан;
• монтажа на целосна снимка од секој настан/трибина, со основна обработка на звук, слика, наслови/шпици и техничко приспособување за архивирање и споделување;
• подготовка на кратки видеа/рилс за социјални медиуми од „герила“ настанот и од локалните јавни трибини;
• подготовка на кратко промотивно видео или highlight видео од кампањските активности, доколку е договорено со ЕСЕ;
• техничко приспособување на фото и видео материјалите за објава на веб-страница, Facebook, Instagram и други дигитални канали;
• подготовка на предлог-кратки текстови/описи за објави на социјални медиуми, доколку е потребно;
• доставување на финални обработени материјали и организирана архива од сурови/изворни материјали, во договорен формат.

1.2. Очекувани резултати

• видео и фото документација од „герила“ настанот во Скопје;
• видео и фото документација од четири локални јавни трибини во Куманово, Тетово, Свети Николе и Прилеп;
• целосно монтирана снимка од секој настан/трибина, погодна за архивирање и понатамошна употреба;
• селекција на обработени фотографии од секој настан;
• кратки вертикални видеа/рилс за социјални медиуми, подготвени во формат погоден за објава;
• кратко промотивно/highlight видео од кампањските активности, доколку е договорено со ЕСЕ;
• финални материјали доставени во договорен квалитет, формат и рок;
• организирана дигитална архива со финални и, по потреба, сурови материјали.

1.3. Потребни квалификации и капацитет

На повикот можат да аплицираат правни и физички лица. Претходно искуство со јавни кампањи и настани ќе се смета за предност, но нема да биде задолжителен услов доколку понудувачот покаже соодветен технички капацитет, квалитет на работа и добра идеја за визуелно претставување на темата.

• искуство или капацитет во видео снимање, фотографирање, монтажа, дигитална комуникација, маркетинг или промоција;
• способност за снимање на терен и работа во различни градови, според однапред договорен распоред;
• техничка опрема и капацитет за квалитетно снимање, фотографирање, обработка на звук/слика и подготовка на материјали за социјални медиуми;
• познавање на формати и технички барања за Facebook, Instagram, веб-страници и други дигитални канали;
• способност за работа во договорени рокови и координација со проектен тим;
• портфолио, примероци од работа или линкови до претходни видео/фото материјали може да се достават доколку се достапни, вклучително и материјали од интерни настани, корпоративни активности, обуки, трибини, кампањи или други слични формати.

1.4. Времетраење

Ангажманот е предвидено да трае во септември и октомври 2025 година. Точните датуми за „герила“ настанот и четирите локални јавни трибини ќе бидат претходно договорени со ЕСЕ.

1.5. Потребна документација за аплицирање

Заинтересираните правни и физички лица треба да достават:

• кратка биографија (за физичко лице) или кратка презентација на правното лице;
• примероци од претходни видео, фото, медиумски или промотивни материјали, доколку постојат, вклучително и интерни/корпоративни настани, обуки, трибини или слични формати;
• финансиска понуда во бруто износ, со јасно наведени главни трошоци, вклучително патни трошоци за Куманово, Тетово, Свети Николе и Прилеп;
• тековна состојба или доказ за регистрација, доколку аплицира правно лице.

1.6. Критериуми за селекција

Изборот ќе се врши врз основа на квалитетот на понудата и најдобрата вредност за парите, при што ЕСЕ ќе ги земе предвид следните критериуми:

Критериум

Најниска/најекономски оправдана цена, со реално прикажани трошоци

Квалитет на предложениот визуелен и медиумски пристап, вклучително идеја за рилс/кратки видеа

Технички капацитет, квалитет на опрема, монтажа и способност за испорака на повеќе формати

Претходно искуство, примероци од работа или друг доказ за капацитет, без ограничување само на јавни настани

Достапност, логистика и способност за работа во Скопје, Куманово, Тетово, Свети Николе и Прилеп

Потребната документација да се достави по електронска пошта на адресата esem@esem.org.mk, со назнака: „Повик за снимање, фотографирање, монтажа и промоција на јавни настани“, најдоцна до  10 јуни 2026 година.

ЕСЕ го задржува правото да побара дополнителни појаснувања, состанок/презентација на предложената идеја или преговарање за доработка на понудата со најдобро рангираниот понудувач.

This post was originally published on this site