ПОКАНА ЗА ИЗЛОЖБА

ИЗВЕСТУВАЊЕ / ПОКАНА ЗА ИЗЛОЖБА

Центарот за одржлив развој на заедницата – Дебар со задоволство ги поканува учениците, родителите, наставниците и пошироката јавност да земат учество на уметничката изложба организирана во рамки на конкурсот: „Надежта што се обновува“.

На оваа изложба ќе бидат претставени уметничките дела на ученици од основните и средните училишта, кои учествуваа на конкурсот посветен на заштитата на загрозените животни и зачувувањето на природата. Делата го отсликуваат креативниот дух, чувствителноста и силните еколошки пораки на нашите млади.

Изложбата ќе се одржи на 18 декември (четврток) 2025 година, со почеток во 12:00 часот, во Библиотеката на Центарот за култура – Дебар.

Целта на изложбата е да биде простор за размислување и подигање на свеста, каде преку уметноста се пренесува пораката дека природата е заедничка одговорност и дека гласот на младите има моќ да донесе промени.

Ве покануваме да присуствувате на овој настан со цел да ја поддржите работата на младите, да го охрабрите нивниот талент и да бидете дел од активност која промовира еколошки и граѓански вредности.

Оваа активност се реализира во рамки на проектот „Да учиме за климатските промени“, имплементиран од ЦОРОЗ – Дебар, во партнерство со О.О. „Крсте Јон“ – Струга и „Зелениот центар“ – Охрид, со финансиска поддршка од Амбасадата на Швајцарија преку програмата Civica Mobilitas.

                                                                              АГЕНДА

Уметничка изложба: „Надежта што се обновува“
Библиотека на Центарот за култура – Дебар
18 декември 2025 | 12:00–13:20

12:00 – 12:05 | Пристигнување и регистрација на учесниците
– Пречек на гостите

12:05 – 12:10 | Свечено отворање на изложбата
– Кратко претставување на настанот и целта на изложбата

12:10 – 12:15 | Поздравен говор од претседателот на здружението
– Порака за значењето на уметноста, младите и заштитата на природата

12:15 – 12:30 | Поздравни обраќања од гостите
– Претставници на програмата Civica Mobilitas
– Претставници од Општина Дебар

12:30 – 13:00 | Посета на изложбените дела
– Презентација на уметничките творби
– Интеракција со учениците и авторите на делата

13:00 – 13:20 | Доделување награди и благодарници
– Доделување награди по категории на конкурсот
– Заедничко фотографирање

13:20 | Затворање на официјалниот дел на настанот
– Изложбата ќе продолжи да биде отворена во текот на целиот ден во четврток и петок

„ Уметничката изложба е дел од проектот „Да учиме за Климатски опромени поддржан од Владата на Швајцарија преку Цивика мобилитас што го спроведуваат  ИО Крсте Јон-Струга, Зелен Центар Охрид и Центар за одржлив развој на заедницата Дебар“

„Содржината на оваа агенда е единствена одговорност на Центар за одржлив развој на заедницата Дебар и на ниту еден начин не смее да се смета дека ги одразува гледиштата на Владата на Швајцарија, Цивика мобилитас или на организациите што ја спроведуваат.“

Оваа вест изворно е објавена на веб-страната на Центар за одржлив развој на Заедницата Дебар