U realizua me sukses trajnimi i dytë në Dibër në kuadër të projektit “Rrjeti Qytetar për Ajër të Pastër në Rajonin Jugperëndimor”

Sot në Dibër u realizua me sukses një trajnim në kuadër të projektit “Rrjeti Qytetar për Ajër të Pastër në Rajonin Jugperëndimor”, i cili zbatohet me mbështetjen e Qeverisë Zvicerane përmes programit Civica Mobilitas.

Trajnimi është pjesë e një serie aktivitetesh edukative që synojnë rritjen e ndërgjegjësimit publik për ndotjen e ajrit dhe nxitjen e pjesëmarrjes aktive të qytetarëve, veçanërisht të të rinjve, në mbrojtjen e mjedisit jetësor.

Aktivitetin e hapi koordinatori i projektit, Bardhyl Tushi, i cili përshëndeti të pranishmit dhe prezantoi qëllimet kryesore dhe rezultatet e pritshme të projektit. Në fjalën e tij, ai theksoi rëndësinë e krijimit të kapaciteteve lokale dhe rrjeteve qytetare që do të kontribuojnë në përmirësimin e cilësisë së ajrit në Rajonin Jugperëndimor.

Më pas, profesori universitar Prof. Dr. Musah Fejzullov, i angazhuar si ekspert për përgatitjen e programit dhe manualit edukativ të trajnimeve, zhvilloi një sesion interaktiv me pjesëmarrësit. Ai prezantoi në detaje përmbajtjen e manualit dhe realizoi ushtrime praktike dhe diskutime me nxënësit e pranishëm në trajnim, po ashtu ai prezantoi edhe instrumentin ”klimerko” përmes të cilit bëhet matja e cilësis së ajrit.

Projekti “Rrjeti Qytetar për Ajër të Pastër në Rajonin Jugperëndimor” do të vazhdojë me aktivitete të tjera në komunat e rajonit jug-perëndimor, me qëllim krijimin e një rrjeti qytetarësh më të informuar, më aktiv dhe më të përgjegjshëm për një ajër më të pastër dhe një mjedis më të shëndetshëm për të gjithë qytetarët.

Përmbajtja e këtij publikimi është përgjegjësi e vetme e Bashkësisë së ekologëve “Natyra” dhe në asnjë mënyrë nuk mund të konsiderohet se pasqyron pikëpamjet e Qeverisë Zvicerane, Civika Mobilitas ose organizatave që e zbatojnë atë”

#CHinMK #CivicaMobilitas

Civica Mobilitas Embassy of Switzerland in North Macedonia Извиднички одред “Мирко Милески” / Scout group “Mirko Mileski”