U mbajt takimi i grupeve të punës për përgatitjen e Planit të ri Kombëtar të Veprimit për Partneritetin për Qeveri të Hapur 2026-2028

Sot në Klubin e organeve të administratës u mbajt takimi i grupeve të punës për përgatitjen e Planit të ri të Veprimit për Partneritetin për Qeverisje të Hapur 2026-2028 (PKV7), si vazhdimësi e procesit të bashkë-krijimit të filluar me konferencën e organizuar në prill të këtij viti. Ngjarja u organizua nga Ministria e Administratës Publike, në bashkëpunim me Fondacionin Metamorfozis dhe Qendrën për Komunikime Qytetare.

Takimin e punës e hapi Koordinatorja kombëtare për PGH e vendit, znj. Gordana Gapiq-Dimitrovska e cila i theksoi përfitimet e procesit të bashkë-krijimit të Planit Kombëtar të Veprimit para përfaqësuesve të institucioneve, organizatave të shoqërisë civile dhe ekspertëve. Qëllimi i takimit të sotëm ishte përcaktimi i përbashkët i prioriteteve dhe angazhimeve të ardhshme në kuadër të planit të ri të veprimit.

Pjesëmarrësit punuan në pesë fusha tematike:

antikorrupsioni, integriteti, përgjegjësia dhe llogaridhënia;

hapësira civile, pjesëmarrja dhe liritë;

qeverisja digjitale;

klima dhe mjedisi jetësor;

parlamenti i hapur dhe gjyqësori i hapur. Fushat tematike i koordinojnë përfaqësuesit e shoqërisë civile, që është vlerë e shtuar e procesit të bashkë-krijimit.

Takimi i punës paraqet një hap të rëndësishëm në procesin përfshirës të bashkë-krijimit të përgatitjes së Planit të ri Kombëtar të Veprimit, i cili duhet të kontribuojë për institucione më të hapura, më llogaridhënëse dhe më të disponueshme, në partneritet me shoqërinë civile dhe palët e tjera të interesuara.

Procesi i bashkë-krijimit të Planit Kombëtar të Veprimit për Partneritetin për Qeverisje të Hapur 2026-2028 vazhdon në periudhën e ardhshme përmes konsultimeve shtesë dhe diskutimeve tematike me të gjitha palët relevante.

This post was originally published on this site