Në Gostivar u mbajt ngjarje publike për bashkë-krijimin e Planit të ri Kombëtar të Veprimit për Partneritetin për Qeverisje të Hapur 2026–2028

Sot, për të dytën ditë me radhë, në Gostivar u mbajt një ngjarje publike si pjesë e procesit të bashkë-krijimit të Planit të shtatë Kombëtar të Veprimit për Partneritetin për Qeverisje të Hapur 2026–2028. Ngjarja u organizua nga Ministria e Administratës Publike në bashkëpunim me Fondacionin Metamorfozis dhe Qendrën për Komunikime Qytetare, me qëllim të inkurajimit të pjesëmarrjes aktive të palëve të interesuara në përcaktimin e prioriteteve në planin e ri të veprimit.

Ngjarja u mbajt në Qendrën e Burimeve Qytetare në Gostivar, me pjesëmarrjen e përfaqësuesve të organizatave qytetare lokale, mediave dhe palëve të tjera të interesuara relevante.

Pjesëmarrësit u informuan rreth rëndësisë dhe përfitimeve të procesit të Partneritetit për Qeverisje të Hapur, si dhe qasjes, hapave kryesorë dhe kornizës kohore për përgatitjen e Planit të shtatë Kombëtar të Veprimit.

Në kuadër të ngjarjes u mundësua një diskutim interaktiv, gjatë të cilit pjesëmarrësit identifikuan së bashku prioritetet dhe propozuan angazhime të mundshme për periudhën 2026-2028.

Ngjarja paraqet një hap të rëndësishëm drejt një procesi më gjithëpërfshirës dhe transparent të krijimit të politikave publike, në të cilin pritet që zëri i të gjithë palëve të interesuara të merret parasysh gjatë hartimit të reformave të ardhshme brenda kornizës së Partneritetit për Qeverisje të Hapur.

Takimi u zhvillua në kuadër të projektit “Së bashku për Partneritet për Qeverisje të Hapur: Mbështetja e Procesit të Zbatimit dhe Dizajnimit të së Ardhmes”, i financuar nga Sekretariati i Partneritetit për Qeverisje të Hapur.

This post was originally published on this site