KODI DO TA RRITË BESIMIN E NDËRSJELLË TË ORGANIZATAVE DHE DO TË NDËRTOJË IMAZH MË TË MIRË PËR ATA

Sot, më 31 mars 2022., u mbajt online sesioni informativ  për Kodin e organizatave qytetare ku morën pjesë 34 përfaqësues tëorganizatave, përfitues të granteve të programit të Civika mobilitas.

Pjesëmarrësit u njohën me procesin e hartimit të Kodit, përfitimet nga kjo veglë për përgjegjshmëri më të madhe dhe qëllimin e tij. “Kodi është një katalizator për zhvillimin e vazhdueshëm të vlerave të organizatave. Do të forcojë sistemin e vetërregullimit që do të kontribuojë në transparencë, efikasitet dhe besim më të madh në organizatat e shoqërisë civile,” tha Aleksandra Saveska, bashkëpunëtore për projekte në Qendrën Maqedonase për Bashkëpunim Ndërkombëtar (MCMS).

Pjesëmarrësit në grupe folën për përvojën e deritanishme të tyre në vetërregullim në organizata dhe dhanë mendimin e tyre për përfitimet e mundshme të Kodit, sfidat me të cilat do të përballeshin në zbatim dhe si do ta zbatonin mjetin në punën e tyre. Kodi i organizatave të shoqërisë civile do të ndihmojë në rritjen e cilësisë së punës në organizata. Kjo do të kontribuojë në një transparencë më të madhe që do të rrisë besimin ndërmjet organizatave në këtë sektor dhe qytetarëve. Do të ndërtohet një imazh më i mirë ndaj donatorëve, i cili do të përmirësojë situatën financiare, është përfundimi i përgjithshëm nga diskutimet.

Disa pjesëmarrës shprehën interes për nënshkrimin e Kodit, duke theksuar se ai arrin në një moment ideal për organizatat e tyre. Ata do të marrin mbështetje nga ekipi i zbatimit.

Deri më tani, janë regjistruar gjithsej 62 organizata qytetare dhe të gjitha organizatat e interesuara që dëshirojnë të kenë qasje në Kod do të mund ta bëjnë këtë duke пplotësuar deklaratrën e mëposhtme (deklaratë për pranimin e Kodit). Deklaratat dërgohen në Qendrën Maqedonase për Bashkëpunim Ndërkombëtar në adresën elektronike : asv@mcms.mk. Me anëtarësimin, organizatat bëhen pjesë e platformës për hartimin e Kodit dhe përmirësimin e transparencës dhe llogaridhënies së sektorit të shoqërisë civile.