Bashkë arrihet më larg: Qytetarët për ndryshim nr.10, botimi jubilar kushtuar bashkëpunimit
Numri i fundit i revistës “Qytetarët për ndryshim” të Civica mobilitas është botimi i dhjetë, jubilar. Në themel të punës sonë, ajo që bëjnë organizatat qytetare është bashkëpunimi, i cili është tema kryesore në këtë numër.
Përmes teksteve ju prezantojmë shembujt e bashkëpunimit ndërmjet Institutit Maqedonas për Media (MIM) dhe Këshillit Kombëtar të Organizatave Invalidore (KKOI), Legis dhe ПQendrës për pranim të azilkërkuesve për të zhvilluar një program mentorimi për përmirësimin e mundësive të punësimit të azilkërkuesve, të Fondacionit Metarmofozis dhe tetë organizatave me të cilat përgatitën indeksin e të qenit të hapur. Lexoni edhe për Festivalin e Civica mobilitas – “Dita e organizatave qytetare”, i cili u përdor si platformë për disa bashkëpunime të reja. Polio Plus nënshkroi një memorandum bashkëpunimi me Komisionin për parandalimin dhe mbrojtjen nga diskriminimi, ndërsa sektori i shoqërisë civile fitoi një Kod për organizatat qytetare të nënshkruar deri më tani nga 52 organizata, i promovuar në këtë ngjarje.
Po ashtu, folëm edhe për kontributet kryesore të shoqërisë civile në 30 vitet e kaluara nga pavarësia e vendit dhe në këtë frymë është edhe analiza e Finance Think për papunësinë, pagat dhe bruto prodhimin e vendit. “Megjashi” i prezantoi rezultatet e raportit të ri në linjën telefonike SOS për fëmijë dhe të rinj, ndërsa “Borka – për çdo ditë të re” organizoi shëtitjen tradicionale rozë, mesazhi kryesor i së cilës ishte “Pacientët me kancer të mos harrohen për shkak të pandemisë”. Aktivistët e Qendrës regjionale të gjelbër në Ohër mobilizuan 170 të rinj në aksione për mbrojtjen e mjedisit, ndërsa Organizata e grave të Lozovës trajnoi punëtorët e tekstilit.
Përveç “Qytetarët për ndryshim”, do t’ju inkurajojmë të lexoni edhe revistën “Shëndeti mendor”, botuar nga Shoqata për shëndet mendor – Asociacioni Misla.
Këto janë vetëm disa nga përmbajtjet në faqet e numrit jubilar të revistës të Civica mobilitas.
Numrin e fundit mund ta lexoni në maqedonisht, shqip dhe anglisht.
“Qytetarët për ndryshim” është revistë për shoqërinë civile dhe e shoqërisë civile. Bëhuni pjesë e tij, na dërgoni informacione për aktivitetet dhe rezultatet tuaja.
Shkruani, lexoni dhe shpërndajeni për një sektor më të fortë civil.
