MBËSHTETJA PËRMES MENTORIMIT I FUQIZOI KAPACITETET E ORGANIZATAVE

Ridefinimi i qëllimeve dhe strategjive të organizatave, përgatitja e planeve për zhvillimin organizativ, përmirësimi i punës në ekip, etj., janë pjesë e përvojave të ndara nga përfaqësuesit e 11 përfituesve institucionalë të Civica mobilitas në ngjarjen përfundimtare të Programit të Mbështetjes së mentorimit për organizatat qytetare, të mbajtur më 22 qershor 2021.

“Së bashku me ekipin dhe mentorin, ne arritëm të projektojmë aktivitete të ardhshme dhe gjëra që nuk do t’i kishim vërejtur nëse nuk do të kishim punuar së bashku, d.m.th. dikush do të na udhëzonte gjatë gjithë procesit. Për më tepër, përmes këshillimit për zhvillimin organizativ, ne zbuluam një potencial të madh të organizatës sonë, të cilën nuk e dinim se e kishim”, tha Jasmina Golubovska, koordinatore e projektit në Shoqatën Legis.

Gjatë punëtorisë u realizua një anketë kushtuar mbështetjes së mentorimit. Përfaqësuesit e organizatave qytetare në një shkallë nga 1 në 5, vlerësuan kënaqësinë me programin me një notë të lartë prej 4.8.

Vlerësimi ishte pothuajse në mënyrë të barabartë i lartë për mentorët të cilët punonin vazhdimisht me organizata për t’i përmirësuar ato në fusha të ndryshme.

“Për ne gjatë pandemisë, sfida e vërtetë ishte lidhja e pikave midis grupeve tona të synuara dhe situatës në të cilën ndodhemi, por ia dolëm. Mentori ynë Ljupka na bëri të ndjejmë energji të reja që na motivuan dhe sollën një dozë eksitomi”, theksoi Maja Babiq, anëtare e Bordit ekzekutiv të shoqatës për luftën kundër kancerit “BORKA”.

Në pyetjen: “Sa i dobishëm ishte programi i Mentorimit për zhvillim organizativ për organizatën tuaj, pa përjashtim pjesëmarrësit u përgjigjën: “shumë i dobishëm”, dhe bashkëpunimi u theksua si një nga përfitimet më të rëndësishme në proces.

Pjesë e mbështetjes së mentorimit ishin 12 organizata të shoqërisë civile, grantistë institucionalë të Civica mobilitas, ekipet e të cilave numëronin prej 5 deri në 10 anëtarë punuan me mentorë lokalë për të forcuar kapacitetin organizativ.