Pesëmbëdhjetë aksione kundër pasojave nga Kovid-19
Qendra Maqedonase për Bashkëpunim Ndërkombëtar (MCMS) e publikoi botimin “Përgjigje ndaj nevojave të qytetarëve të prekur nga Kovid-19”, i cili përmban 15 aksione të suksesshme kundër Kovid-19, të kryera nga organizatat qytetare fituese të granteve Ad-hok të programit Civika mobilitas.
Në qendër të arritjeve janë njerëzit: gratë dhe fëmijët viktima të dhunës, punëtorët, studentët me probleme në qasje në arsim, të rinjtë, edukatorët, të varfrit dhe të margjinalizuarit për arsye të ndryshme, etj., të gjithë të prekur rëndë nga pandemia.
Grantet ad-hok ishin një përgjigje e menjëhershme për qytetarët që kishin nevojë për ndihmë gjatë valës së parë të Kovid në vend. Një vit e gjysmë më vonë, lufta kundër Korona virusit po vazhdon ende, por ky publikim me aksione të suksesshme mund të jetë një motiv për veprim pozitiv për çdo organizatë.
Grantet Ad-hok të Civica mobilitas për ballafaqim me pandeminë Kovid-19 u ndanë në prill 2020 në vlerë të përgjithshme prej 1,426,431 denarë.
