Mjedisi mundësues në fokus të numrit të ri të “qytetarët për ndryshim”
Civica Mobilitas e publikoi numrin e dymbëdhjetë të revistës “Qytetarët për ndryshim”, i cili fokusohet në mjedisin mundësues. Në këtë numër, përmes shtatëmbëdhjetë rrëfimeve, tregojmë për veprimet, iniciativat, projektet e suksesshme të sektorit civil në tremujorin e parë të vitit 2022.
Sektori i shoqërisë civile mori dokumentin e katërt strategjik, Strategjinë për bashkëpunim me dhe zhvillimin e shoqërisë civile, për periudhën 2022 – 2024. Ata që i ndjekin më nga afër këto procese dhe përfshihen në to thonë se ndryshe nga dokumenti i mëparshëm, ky ka një përmirësim në përcaktimin e treguesve të suksesit. Organizatat qytetare kërkuan dhe qeveria pranoi se do të punonte me përkushtim për përmirësimin e sistemit të financimit shtetëror, si një nga synimet strategjike. Për momentin, nuk ka rezultate nga ai premtim. Në temën e financimit, mësoni për eCrowd.mk, platformën e parë për grumbullimin e mjeteve financiare në Maqedoni për organizatat qytetare, e krijuar nga Innohab.
Ne kemi shkruar edhe për kolegët e Finance Think që kanë bërë analizën e Programit të punës së Qeverisë 2020 – 2024 dhe na kanë zbuluar se sa i ka përmbushur premtimet ekonomike Qeveria. Qendra për komunikime qytetare (QKQ) tregoi se në dy vitet e krizës, institucionet shtetërore kanë blerë 142 automjete të reja për të cilat kanë paguar 3,6 milionë euro.
Ne e festuam qëndresën e grave dhe luftën e tyre përmes Marshit për të drejtat e grave me rastin e Ditës ndërkombëtare të gruas, 8 Marsit, organizuar nga Platforma për barazi gjinore dhe aktivistet për të drejtat e grave. Ne e mbështetëm edhe marshin e parë protestues të prindërve të vetëm organizuar nga “Njëra mund!”
Organizatat qytetare punuan në përmirësimin e pjesëmarrjes të qytetarëve . Të tillë ishin Qendra për mjedis jetësor dhe zhvillim të qëndrueshëm nga Bogdanci i cili punoi në komunikimin më të mirë[ të Komunës së Bogdancit dhe qytetarëve përmes aplikacionit ”Raportojmë” dhe Shoqatës për mbështetje, integrim dhe risocializim LINK të cilët i detektuan, këshilluan dhe udhëzuan personat me rrezik social në komunën e Butelit dhe Çuçer Sandevës.
Numrin më të ri të revistës mund ta lexoni në gjuhën maqedonase, shqipe dhe angleze.
„Граѓаните за промена“ е списание за граѓанското општество и на граѓанското општество. Бидете дел од него, испратете ни информации за Вашите активности и резултати.
Пишувајте, читајте и споделувајте за посилен граѓански сектор.
