Forum tematik: “Si të përmirësohet bashkëpunimi mes organizatave qytetare dhe pushtetit lokal”
Ju ftojmë në Forumin tematik të Civika mobilitas me temë: “Si të përmirësohet bashkëpunimi mes organizatave qytetare dhe pushtetit lokal” që do të mbahet më 26 nëntor 2021 (e premte) në orën 13, online, përmes platformës Zum.
Qëllimi i forumit është të bisedojmë rreth asaj se si është dhe si mund të përmirësohet bashkëpunimi mes organizatave qytetare dhe komunave, duke marrë parasysh se kanë grup të njëjtë qëllimor, qytetarët.
Në këtë eveniment do të flasin përfaqësues të tri organizatave qytetare: German Filkov nga Qendra për komunikim qytetare; Biljana Bejkova nga OJQ Info qendra dhe Sllagjan Penev nga FORUM – Qendra për hulumtime strategjike dhe dokumentim. Prezantimet e tyre kanë të bëjnë me bashkëpunimin aktual me komunat, mbështetjes në përgatitjen e dokumenteve strategjike, funksionimit të shërbimeve inspektuese në nivel lokal, hapjes së komunave dhe mundësive për bashkëpunim përmes tyre dhe ndërmarrjeve të tyre publike.
Përveç tyre, në Forum do të drejtohet edhe Dushica Perishiq, drejtoreshë ekzekutive e Bashkësisë së Njësive të Vetëqeverisjes Lokale (BNJVL). Në këtë Forum ftuam disa kryetarë komunash për të ndarë përvojat apo vizionet e tyre për bashkëpunim me organizatat qytetare.
N[ Forumin tematik do të marrin pjesë edhe përfaqësues të grantistëve të Civica mobilitas dhe organizatave të tjera të shoqërisë civile, si dhe palë të tjera të interesuara.
