Civica Mobilitas ka filluar fazën përfundimtare

Ka filluar zbatimi i fazës së re, përfundimtare të Civica Mobilitas, e cila do të zgjasë deri në fund të vitit 2026. Kjo fazë vazhdon të fokusohet në ndryshimet shoqërore në vend, të cilat janë stimuluar nga një shoqëri civile e fuqishme, qytetarë aktivë dhe bashkëpunim të mirë me autoritetet. Pritet që kjo të rezultojë në zgjerimin e hapësirës qytetare, organizata qytetare të qëndrueshme dhe qeverisje më transparente, të përgjegjshme dhe socialisht inkluzive në nivelin qendror dhe lokal.

Civica Mobilitas financohet nga Qeveria e Zvicrës dhe zbatohet nga Qendra Maqedonase për Bashkëpunim Ndërkombëtar (MCMS) në partneritet me NIRAS nga Danimarka dhe FCG nga Suedia.

Civica Mobilitas do të punojë për intensifikimin e angazhimit qytetar, rritjen e pjesëmarrjes qytetare dhe përmirësimin e ambientit për zhvillimin e shoqërisë civile. Aktivitetet e planifikuara pritet të rrisin besimin në shoqërinë civile, të përmirësojnë proceset e hartimit të politikave publike dhe të ndihmojnë në diversifikimin e financimit të organizatave qytetare. Aktivitetet do të realizohen në sinergji me organizatat qytetare, veçanërisht me ato që do të jenë përdoruese të një prej dy llojeve të granteve: partneriteti ose grantet për ndihmën e konstituentëve. Përveç granteve, Civica Mobilitas do të ofrojë hapësirë për diskutime përmes forumit kombëtar, forumeve tematike ose festivaleve rajonale dhe kombëtare, takimeve për rrjetëzim etj.

Buxheti i programit është rreth 4.5 milion franga zvicerane, nga të cilat 3 milion janë të destinuara për grante dhe aktivitete direkte.

Na ndiqni në https://civicamobilitas.mk/sq/ dhe https://www.facebook.com/civicamobilitas/ për të gjitha aktivitetet që do të vijnë.