Forume regjionale për bashkëpunim: Hapësira jote, vota jote
Forumet regjionale të Civika mobilitas mundësojnë hapësirë për artikulimin e ideve, identifikimin e kauzave të përbashkëta dhe planifikimin e aksioneve të përbashkëta shoqërore nga ana e organizatave qytetare në bashkëpunim me organizatat tjera, qytetarët dhe aktorët tjerë.
Në këto forume do të ndahen përvojat për bashkëpunim efektiv për ndryshim shoqëror përmes prezantimit të praktikave të mira nga Evropa dhe Maqedonia, por edhe të organizatave qytetare lokale nga regjioni adekuat. Pyetjet të cilat do të diskutohen do të caktohen nga ana e pjesëmarrësve përmes propozimit të nevojave dhe/ose prioriteteve aktuale dhe problemeve në rajon, për kapërcimin ose zgjidhjen e të cilave nevojitet bashkëpunimi mes vetë organizatave, por edhe me qytetarët, autoritetet lokale, ndërmarrjet, institucionet arsimore e tjera. Pjesëmarrësit do të merren vesh për përfundimet e përbashkëta, të cilat do t’i shndërrojnë në manifeste dhe/ose plane për veprim.
Në periudhën 10 qershor – 30 tetor 2015 do të mbahen tetë forume për bashkëpunim në të gjitha rajonet në Maqedoni, ndërsa deri në shtator 2018 janë planifikuar edhe shtatë forume rajonale.
| Regjioni | Data | Komuna |
|---|---|---|
| Regjioni Verilindor | 10 qershor 2015 | Kumanovë |
| Regjioni i Shkupit | 23 qershor 2015 | Shuto Orizari |
| Regjioni Jugperëndimor | 25 qershor 2015 | Ohër |
| Regjioni i Pollogut | 22 korrik 2015 | Gostivar |
| Regjioni Juglindor | 22 shtator 2015 | Radovish |
| Regjioni Lindor | 23 shtator 2015 | Shtip |
| Regjioni Vardarit | 13 shtator 2015 | Kavadar |
| Regjioni i Pellagonisë | 15 shtator 2015 | Manastir |
Forumet regjionale janë të hapura për të gjitha organizatat qytetare dhe aktivistë individual në regjionin për të cilin ka të bëjë forumi, ndërsa të cilët pajtohen me vlerat dhe qëllimet e Civika mobilitas dhe të cilat janë të përkushtuar bashkëpunimit me aktorët tjerë për arritjen e ndryshimeve shoqërore.
Të gjithë të interesuarit për pjesëmarrje në forume mund të paraqiten dhe të propozojnë tema për diskutim me plotësimin e formularit on-line.
