“Natyra” dhe “Go Green” nënshkruajnë Memorandum Bashkëpunimi për mbrojtjen e mjedisit dhe aktivizmin rinor

Bashkësia e Ekologëve “Natyra” – Strugë dhe organizata “Go Green” – Shkup kanë nënshkruar Memorandum Bashkëpunimi, me qëllim forcimin e bashkëpunimit në fushën e mbrojtjes së mjedisit jetësor, aktivizmit rinor dhe promovimit të zhvillimit të qëndrueshëm.

Përmes këtij memorandumi, të dy organizatat shprehin gatishmërinë për të bashkëpunuar në planifikimin dhe realizimin e aktiviteteve të përbashkëta që kontribuojnë në mbrojtjen e mjedisit, nxisin pjesëmarrjen e të rinjve në iniciativa ekologjike dhe zhvillimore, si dhe promovojnë komunikimin e hapur dhe transparent me komunitetin.

Një pjesë e rëndësishme e bashkëpunimit do të jetë edhe mbështetja e politikave të gjelbra dhe zhvillimi i zgjidhjeve inovative në nivel lokal, me synimin për të kontribuar në krijimin e një mjedisi më të pastër dhe një të ardhmeje më të qëndrueshme.

Bashkëpunimi ndërmjet “Natyra” dhe “Go Green” do të bazohet në respektin e ndërsjellë, koordinimin dhe një vizion të përbashkët për përmirësimin e cilësisë së mjedisit jetësor dhe rritjen e angazhimit qytetar.

Të dy organizatat besojnë se bashkëpunimi dhe përfshirja aktive e të rinjve dhe qytetarëve janë thelbësore për avancimin e iniciativave ekologjike dhe ndërtimin e një shoqërie më të përgjegjshme ndaj mjedisit.

Bashkëpunim i përbashkët për një mjedis më të pastër dhe një të ardhme më të gjelbër!