Filluam me instalimin e instrumenteve për monitorimin e cilësisë së ajrit në rajonin jugperëndimor

Në kuadër të projektit “Rrjeti Qytetar për Ajër të Pastër në Rajonin Jugperëndimor”, i mbështetur nga Qeveria Zvicerane përmes programit Civica Mobilitas, Organizata Ekologjike “Natyra” – Strugë, në partneritet me Grupin e Vëzhguesve “Mirko Mileski” – Kërçovë, ka filluar procesin e vendosjes dhe instalimit të instrumenteve për monitorimin e cilësisë së ajrit në komunat e rajonit jugperëndimor.

Aktivitetet po realizohen në:

Strugë
Ohër
Vevçan
Dibër
Kërçovë

Në kuadër të projektit do të vendosen instrumente moderne për matjen e parametrave të cilësisë së ajrit, të cilat do të mundësojnë monitorim të vazhdueshëm dhe qasje publike në të dhënat e matura në kohë reale.

Lokacionet e përzgjedhura për vendosjen e instrumenteve janë kryesisht pranë:

shkollave,
çerdheve,
spitaleve,
institucioneve publike,
si dhe në qendrat e qyteteve dhe komunave.

Qëllimi i këtij aktiviteti është rritja e transparencës dhe informimit publik lidhur me ndotjen e ajrit, si dhe ngritja e vetëdijes së qytetarëve për rëndësinë e mbrojtjes së mjedisit dhe shëndetit publik.

Përmes platformës online www.klimerko.org, qytetarët do të kenë mundësi të ndjekin në çdo moment gjendjen e cilësisë së ajrit në komunat e rajonit jugperëndimor dhe të informohen mbi parametrat e ndotjes së ajrit në kohë reale.

Ky projekt paraqet një hap të rëndësishëm drejt krijimit të një rrjeti qytetar për monitorimin e ajrit, duke kontribuar në përfshirjen e komunitetit, institucioneve dhe qytetarëve në mbrojtjen e mjedisit jetësor dhe krijimin e politikave më të mira për ajër më të pastër.

Përmbajtja e këtij publikimi është përgjegjësi e vetme e Bashkësisë së ekologëve “Natyra” dhe në asnjë mënyrë nuk mund të konsiderohet se pasqyron pikëpamjet e Qeverisë Zvicerane, Civika Mobilitas ose organizatave që e zbatojnë atë”

#CHinMK #CivicaMobilitas

Civica Mobilitas Embassy of Switzerland in North Macedonia Извиднички одред “Мирко Милески” / Scout group “Mirko Mileski”