ZGJIDHEN 12 GRANTISTË TË VEPRIMIT TË CIVIKA MOBILITAS
Komisioni për zgjedhje të granteve i vlerësoi aplikacionet e organizatave të cilat i parashtruan fletëparaqitjet në thirrjen e parë për grante të veprimit në fazën e re të Civika mobilitas (PCM-AKT-04).
Fituesit e granteve janë 12 organizata dhe atë:
- Shoqata Hendikep plus-Grupi për mbështetje të personave me handikap, Kriva Pallankë
- Shoqata për zhvillim regjional Ballkan ekonomik forum, Shkup
- Instituti për shkenca shoqërore dhe humaniste, Shkup
- Shoqata e qytetarëve Media plus, Shtip
- Shoqata Qendra për zhvillim të qëndrueshëm të komunitetit, Dibër
- Shoqata Asociacioni për iniciativa demokratike, Gostivar
- Shoqata për hulumtim, analiza dhe zhvillim “Zelena lupa”, Shkup
- Shoqata e punëtorëve social e Qytetit të Shkupit, Shkup
- Iniciativa qytetare e femrave “Antiko”, Shkup
- Platforma për gazetari hulumtuese dhe analiza-PINA, Shkup
- Shoqata e qytetarëve për hulumtime, analiza dhe zhvillim të politikave publike “Evrotink” – Qendra për strategji evropiane – Shkup
- Shoqata HOPS – Opsione për jetë të shëndetshme Shkup
Grantistët e ri veprojnë në tetë sektorë të ndryshëm dhe atë më së shumti në sektorët e shëndetit dhe mbrojtjes shëndetësore dhe demokraci, por edhe në sektorët për informata dhe komunikime, personat me nevoja të veçanta, ambienti jetësor, të drejtat e njeriut, sundimi i të drejtës dhe çështjet gjinore.
Gjysma e grantistëve veprojnë në nivel kombëtar, dy veprojnë në nivel lokal/komunal, dy në nivel regjional, ndërsa nga një veprojnë në nivel regjional të Ballkanit dhe në Evropë. Grantistët vijnë nga pesë regjione, numri më i madh prej tyre janë nga regjioni i Shkupit, pastaj nga regjioni lindor, verilindor, jugperëndimor dhe i Pollogut. Në pikëpamje të përvojës, tetë janë aktive mes 12 dhe 20 vjet, dy janë me përvojë prej shtatë deri 11 vjet, ndërsa dy kanë përvojë mes dy dhe tre vjet.
Në këtë thirrje që u hap më 25 mars 2019, u parashtruan 133 aplikacione për grantet e veprimit, prej të cilave 113 e kaluan kontrollin administrativ. Pjesa më e madhe e aplikuesve ishin nga regjioni i Shkupit (61%), pastaj nga i Pollogut (10%), lindor (9%), i Pellagonisë (7%), verilindor (6%), i Vardarit (4%), juglindor (3%) dhe ai jugperëndimor (1%). Aksionet e propozuara në pjesën më të madhe kishin të bëjnë me zhvillimin e shoqërisë civile (18%) dhe sundimin e drejtë (10%), ndërsa nga një aplikacion kishte të bëjë me tolerancën dhe antikorrupsionin.
