Zbatimi i “Ishujve të Integritetit” do të fillojë në shtator

Po përfundojnë përgatitjet për hartimin e trajnimit “Ishuj të Integritetit”, të cilat janë udhëhequr nga ekspertja e jashtme Ana Vasilache nga Rumania. Përgatitjet filluan gjatë muajit maj të këtij viti dhe përfunduan në punëtorinë e mbajtur më 18 dhe 19 qershor 2024 në Shkup.

Ky trajnim, i dedikuar për përfituesit e granteve të Civica Mobilitas, është pjesë e planit për forcimin e kapaciteteve të organizatave qytetare. Bazohet në një metodologji të provuar për forcimin e ndjenjës personale të integritetit te individi; përfshin mjete funksionale për udhëheqje të përbashkët dhe ofron propozime për ndryshime sistematike dhe organizative me qëllim parandalimin e korrupsionit.

Metodologjia mbi të cilën bazohet programi është zbatuar me sukses në vitet e mëparshme në disa vende të Evropës nga ekspertë të certifikuar për antikorrupsion. Përveç Vasilache, në zbatimin e trajnimit do të përfshihen edhe katër bashkëpunëtorë të tjerë të Civica Mobilitas nga Maqedonia.

Për ciklin e parë të trajnimit do të zgjidhen 12 organizata qytetare, të cilat do të kalojnë në katër punëtori që do të zhvillohen nga shtatori deri në nëntor të këtij viti. Ekipi i Civica Mobilitas planifikon të përsërisë ciklin për organizatat që nuk do të jenë pjesë e grupit të parë.