Solidaritet qytetar për Koçanin
Këto ditë jemi përballur me një nga tragjeditë më të mëdha që ka goditur shoqërinë tonë. Si njerëz dhe aktivistë qytetarë, ne ndjejmë një nevojë dhe përgjegjësi të madhe për të ofruar mbështetje dhe solidaritet me të gjithë ata që janë prekur drejtpërdrejt nga ngjarja tragjike në Koçan.
Disa nga organizatat qytetare dhe përfituesit e granteve të Civica mobilitas, kanë ofruar tashmë ose janë përfshirë në mbështetjen e viktimave, familjeve dhe të gjithë të tjerëve. Me këtë publikim, ne duam t’i bëjmë ato informacione më të aksesueshme për të gjithë ata që kanë nevojë.
Më poshtë keni informacione lidhur me mbështetjen e ofruar nga organizatat:
- Ekipi iQendra e parë familjare (QPF), HERA ofron këshillim psikologjik falas për të gjithë të prekurit nga tragjedia e Koçanit. Për mbështetje, mund të telefononi në numrin e telefonit 070 249 596.
- Shoqata “Iniciativa për të drejtat e gruas nga Shuto Orizari” ofron mbështetje psikologjike për prindërit e fëmijëve të prekur nga tragjedia. Kontakt: 070 385 831.
- Shoqata e personave me paralizë cerebrale dhe aftësi të tjera të kufizuara – Veles është në dispozicion për të mbështetur familjet përmes ndihmës psikologjike nga psikoterapeutistja Dr. Vangelica Gavrilova.
- KRIK hap dyert e qendrës së tyre të këshillimit psikologjik në Qendrën multifunksionale dhe ofron ndihmë psikologjike falas për familjet e prekura nga aksidenti i tmerrshëm. Telefoni për kontakt: 078 370 987.
- Komiteti i Helsinkit për të Drejtat e Njeriut (KHDNJ) ofron ndihmë juridike dhe mbështetje për familjet e viktimave, të cilët mund të kontaktohen në numrin e telefonit 02/3119 073. KHDNJ thekson se do të monitorojë hetimet dhe veprimet e institucioneve kompetente.
Ndajmë me ju solidaritetin që po tregojnë në këto momente disa nga organizatat e shoqërisë civile, ish-përfituese të granteve të Civica mobilitas.
Konekt ka nisur një fushatë për grumbullimin e fondeve për familjet e të prekurve nga zjarri në Koçan. Fondet do të përdoren për nevoja emergjente (trajtim, ndihmë juridike, udhëtime etj.), mbështetje psikosociale, si dhe për përballimin e pasojave. Deri më tani nga qytetarët janë mbledhur 135.800 denarë përmes fushatës së ngritur në platformën online për donacione grupore Op-op . Ftohen të gjithë qytetarët, bizneset dhe subjektet e interesuar të dhurojnë nëpërmjet Op-op ose të kontaktojnë në tel. 02/ 3224 198 ose në konekt@konekt.org.mk .
Fondacioni ICRAUD është duke krijuar një Fond donator për ndihmë financiare për familjet e të vdekurve dhe të lënduarve. Të gjitha fondet e mbledhura do të shpërndahen në mënyrë të barabartë për të gjitha familjet e regjistruara. Aksioni është i hapur deri në fund të këtij muaji dhe tashmë janë mbledhur më shumë se 2.000.000 denarë. Fondacioni vë në dispozicion të fondit të gjitha kanalet për mbledhjen e donacioneve, duke përfshirë numrat e telefonit .
Ambasada e Parë e Fëmijëve në Botë MEGJASHI dhe ekipi i saj i psikologëve dhe ekspertëve janë në dispozicion për takime të drejtpërdrejta ose konsultime telefonike. Për kontakt: 070 390 632. Përveç ALOBUSHAVKO (070 390 632), brenda 24 orëve janë aktive edhe gjashtë linja telefonike të ndihmës së parë psikologjike.
Maqedonia 2025 nisi fushatën e donacioneve “Hope for Kočani – Support the Families” për të ndihmuar të prekurit. Të gjitha mjetet do të transferohen drejtpërdrejt në Kryqin e Kuq të Qytetit të Shkupit, duke ofruar ndihmë të menjëhershme për shpenzimet mjekësore, shpenzimet e varrimit dhe mbështetje emocionale.
Solidariteti kolektiv është çelësi për të ndihmuar dhe zbutur dhimbjen e familjeve të prekura nga tragjedia. Çdo gjest i vogël mbështetjeje ka një kuptim të jashtëzakonshëm, qoftë nëpërmjet donacioneve, vullnetarizmit apo ndihmës psikologjike dhe ligjore.
