Punëtori për marketing social
Shfrytëzimi i marketingut social për qëllimet e organizatave qytetare ishte ideja kryesore e punëtorisë që u organizua më 20 prill 2017. Në këtë punëtori morën pjesë 19 përfaqësues të grantistëve të Civika mobilitas, ndërsa e udhëhoqi Sajmon Forester, ekspert ndërkombëtar i programit.
“Me marketingun social duhet t’i detyroni njerëzit të bëjnë ndryshime në shoqëri. Nëse dëshironi që fushata juaj t’i detyrojë njerëzit ose institucionet të bëjnë diçka në sjelljen e tyre të deritanishme, ata duhet të besojnë në vizionin tuaj, ashtu siç ju besoni në atë, “ – tha ai.
Pjesëmarrësit u njoftuan me konceptin e marketingut social dhe ndryshimin e tij në Maqedoni, i ndanë përvojat e tyre, por kishin mundësi të dëgjojnë edhe për përvojat e huaja. Ata theksuan se vështirësia më e madhe me të cilin sektori civil ballafaqohet është arritja deri te të dhënat për grupin qëllimor, ndaj të cilit më tutje do t’i orientonte aktivitetet e veta.
Programi i punëtorisë pati edhe pjesë praktike, e cila kishte të bëjë me zhvillimin e propozim planit për marketing social dhe vërtetimi i aktiviteteve të ardhshme për secilën nga organizatat.
“Këtë që e mësova sigurisht do ta aplikojmë në procesin e ardhshëm të rekrutimit të anëtarëve të ri, promovimi i ngjarjeve, themelimi i bashkëpunimit të ri, ndërsa do të shërbejë edhe gjatë mbindërtimit të kapacitetit të brendshëm”, deklaroi Stefani Spirovska nga Forumi Rinor Arsimor.
U zhvilluan planet për zhvillim të qendrave rinore që do të shërbejë për unifikimin e të rinjve, të cilët janë pjesëtarë të bashkësive të ndryshme etnike; për edukimin e punëtorëve shëndetësor për punë me grupet e margjinalizuara si të sëmurët prej HIV dhe trans seksualët; për zhvillimin e profesionistëve të ri me mendim kritik etj.
Pjesëmarrësit e vlerësuan përmbajtjen e punëtorisë si shumë të dobishme dhe u pajtuan se hapi i ardhshëm është zhvillimi i planit për marketing social dhe përdorimi i tij në projektet e ardhshme.
