Mbështetje organizatave në zhvillimin e planeve për marketing social
Simon Forrester, ekspert ndërkombëtar i Civika mobilitas zhvilloi takime konsultative me pesë organizata të shoqërisë civile, përfituese aktuale të granteve të programit, për të diskutuar zhvillimin e planeve për marketing social. Vizitat u zhvilluan nga 12 deri më 14 maj 2025, si vazhdim i trajnimeve dhe punëtorive të mëparshme kushtuar financimit të qëndrueshëm.
Përfaqësuesit e “Glasen Tekstilec – Shtip”, Asociacionit për Iniciativë Demokratike (ADI) – Gostivar, Qendrës për Edukim dhe Zhvillim (CED) – Tearcë, Qendrës për Aktivizëm Rinor – KRIK – Shkup dhe Qendrës për Ndryshime Klimatike – Gjevgjeli, përmes një mbështetjeje të tillë të personalizuar në zhvillimin e planeve të marketingut social, fituan mjete strategjike që do t’i ndihmojnë ata të pozicionojnë më mirë misionin e tyre, të rrisin dukshmërinë dhe të sigurojnë burime shtesë për vetë qëndrueshmëri.
Në secilin takim, u analizuan praktikat aktuale të komunikimit të organizatës, u identifikuan grupet e synuara dhe u zhvilluan ide për fushata dhe mesazhe që mund të përdoren për promovimin dhe mobilizimin e mbështetjes. Simon Forrester ofroi mjete dhe shembuj praktikë, duke i udhëhequr organizatat përmes procesit të zhvillimit të qasjes së tyre për marketing social.
Këto vizita e forcuan misionin e Civika mobilitas për ndërtimin e organizatave të shoqërisë civile të forta, të dukshme dhe të qëndrueshme, të cilat janë të lidhura me komunitetet të cilave u shërbejnë dhe dinë si ta përcjellin mesazhin e tyre.
