Forumi Tematik i Civica Mobilitas: “A mund të bëjmë më shumë se grante?! – Financimi i organizatave qytetare përmes: donacioneve, crowdfunding-ut dhe ndërmarrjeve sociale

Ngjarja do të mbahet të enjten, më 14 korrik 2022, duke filluar nga ora 12:00, në Qendrën për Ndërmarrje Sociale (rr. Maqedonia b.b, afër Shtëpisë së Kujtimit të Nënës Terezë) në Shkup. Nëse nuk mund të merrni pjesë, do të mund ta ndiqni ngjarjen edhe online, përmes transmetimit të drejtpërdrejtë në faqen zyrtare të Facebook të Civica Mobilitas.

Në këtë temë të veçantë të rëndësishme për organizatat qytetare do të diskutohet për praktikat, shembujt dhe sfidat e sektorit me mobilizimin e fondeve, ose qëndrueshmërinë tonë pa mbështetje përmes granteve. Do të ndahen edhe përvoja nga përfaqësuesit e organizatave qytetare që kanë kaluar nëpër disa nga proceset e mobilizimit të fondeve. Sigurisht, nuk është gjithçka në para, pasi pas mungesës së financave gjithmonë mund të gjeni një sërë çështjesh të tjera që duhet dhe do të adresohen në Forum: mungesa e përfshirjes së vërtetë të njerëzve në aktivitetet e OQ-ve, mungesa e frymës sipërmarrëse dhe dëshira për të provuar diçka të re, mungesa e njohurive të OQ-ve për mënyrën se si të zgjidhin problemin e financimit dhe të ngjashme.

Përvojat e tyre në këtë fushë do t’i ndajnë përfaqësuesit e grantistëve të komunitetit të Civica Mobilitas: Llupço Petkovski, nënkryetar i Inno Hub – Shkup, Suzana Trajkovska Koçankovska, këshilltar social dhe biznesi në Projektin për Mbështetje të Ndërmarrjeve Sociale dhe Viktor Mirçevski, drejtor programi në KONEKT – Shkup.

Forumi Tematik i Civica Mobilitas ofron një mundësi për diskutim midis përfaqësuesve të organizatave qytetare, institucioneve në nivel kombëtar ose lokal dhe të gjithë aktorëve të tjerë të rëndësishëm për zgjidhjen e çështjeve që trajtohen.

Civica Mobilitas është një program mbështetjeje për shoqërinë civile i Ambasadës së Zvicrës, i zbatuar nga NIRAS nga Danimarka, Qendra Maqedonase për Bashkëpunim Ndërkombëtar (MCMS) dhe FCG nga Suedia.