Shoqata për zhvillim regjional BALKAN EKONOMIK FORUM SHKUP
Buxheti i përgjithshëm: 1.100.000 denarë
Kohëzgjatja: 01.06.2019 – 31.05.2020
Konstituentët
Mbi 1200 fëmijë nga mosha katërvjeçare deri në gjashtëmbëdhjetë vjet, të cilët mësojnë në çerdhet e Komunës së Çairit, si dhe të gjithë fëmijët në nivel kombëtar.
Për projektin e mbështetur nga Civika mobilitas
Të pastre dhe të shëndetshëm
Pse është i nevojshëm projekti
Në përputhje me të dhënat e Raporteve të ndërmarrjes për higjienë komunale, prej të gjithë komunave në suaza të Qytetit të Shkupit, grumbullohen mbi 161.388 t/m3 mbeturina komunale nga amvisëritë dhe hapësira publike (burim: Qyteti i Shkupit). Megjithatë, fotografia vizuale si dhe e çdo komune individualisht as pak nuk e ilustron pastërtinë. Hapësira publike është e vërshuar me mbeturina të hedhura në të gjitha anët, e duket sikur qytetarët të mos jenë të vetëdijshëm për kujdesin dhe avancimin e mjedisit jetësor. Nga të gjitha mbeturinat komunale që grumbullohen nga të gjitha komunat në suaza të Qytetit të Shkupit, 14% është mbeturinë të cilën e gjeneron komuna me dendësi më të madhe të popullsisë _ Çairi, ku në përputhje me të dhënat nga Qyteti i Shkupit dhe Enti Shtetëror për Statistikë jetojnë 64.823 banorë. Sipas vlerësimeve të Organizatës Botërore të Shëndetësisë (OBSH), ngarkesa ekologjike e sëmundjeve në vendin tonë është 3,370 raste të vdekjes, të cilat kanë të bëjnë me rreziqet nga mjedisi jetësor ose 166 në 100.000 banorë. Ekzistojnë dëshmi se ndikimi i mjedisit të papastër kanë efekte të dëmshme mbi shëndetin, para së gjithash te fëmijët (Korniza strategjike për avancimin e shëndetit dhe mjedisit jetësor në RMV deri në vitin 2020).
QËLLIMET DHE REZULTATET
Qëllimi i përgjithshëm – Zhvillimi i vetëdijes për mjedis të pastër jetësor te popullata e re përmes ndërtimit të sistemit të vlerave për formimin e gjeneratave të ardhshme me vetëdije ekologjike.
Qëllimi specifik – Edukimi i fëmijëve nga mosha parashkollore nga Komuna e Çairit për mjedis të pastër jetësor.
Rezultatet
- Fëmijët janë njoftuar me termet për mjedis të pastër jetësor;
- Fëmijët e kuptojnë se mbeturinat hidhen në vende të caktuara të shënuara;
- Fëmijët i nxitin prindërit që të inkuadrohen në procesin e përmirësimit të vetëdijes së tyre për mjedis të pastër jetësor;
- Programi arriti të kontribuojë që të zhvillohet interesim për kujdes dhe vetëdije te popullata e re, përmes qasjes interaktive dhe mënyrës zbavitëse të komunikimit;
- Nxitet bashkëpunimi mes çerdheve, komunës, mediave dhe sektorit afarist për kujdes të përbashkët për hapësirë të përbashkët të jetës dhe veprimit.
Aktivitetet
- Përgatitja e 3 librave me ilustrime;
- Prodhimi i një video klipi për mjedisin jetësor;
- Zhvillimi i aplikacionit për celular (lojë) për nxitjen dhe përmirësimin e vetëdijes dhe kujdesit ndaj mjedisit jetësor;
- Vizitë të gjitha çerdheve në Komunën e Çairit, prezantim i librave me ilustrime dhe sqarimi për kujdesin ndaj ambienti jetësor, informimi për aplikacionin për celular që mund ta luajnë bashkë me prindërit;
- Eveniment përfundimtar dhe eko aksion i përbashkët.