Forumi Tematik i Civica Mobilitas: “Financimi Shtetëror për Qëndrueshmëri më të Madhe të Organizatat Qytetare”
Civica Mobilitas organizon Forumin Tematik “Financimi shtetëror për qëndrueshmëri më të madhe të organizatave qytetare”.
Ngjarja, që do të mbahet të mërkurën, më 13 prill 2022, duke filluar nga ora 11:00, në hotelin Aleksandar Palace në Shkup, do të mund të ndiqet edhe online, përmes transmetimit të drejtpërdrejtë në faqen zyrtare të Civica Mobilitas në Facebook.
Përmirësimi i sistemit të financimit shtetëror është një nga prioritetet e shoqërisë civile, dhe sipas Programit të Punës së Qeverisë së RMV për periudhën 2022-2024, është gjithashtu një prioritet i pushtetit ekzekutiv në vend. Megjithatë, ristrukturimet e fundit dhe shkurtimet në buxhetin për organizatat qytetare nuk e konfirmojnë angazhimin e Qeverisë për përmirësimin e sistemit të financimit shtetëror të organizatave qytetare. Pse ndodh kjo dhe cilat do të jenë hapat e ardhshëm të Qeverisë dhe cilat do të jenë ato të organizatave qytetare do të jenë pjesë e diskutimit në Forumin Tematik të Civica Mobilitas, ku do të flasin: Rami Kerimi, Sekretar i Shtetit në Ministrinë për Sistemin Politik dhe Marrëdhënie ndërmjet Komuniteteve; Vesna Tasevska, Ndihmës Kryetar i Sektorit për Analizën e Politikave dhe Koordinimin, Sekretariati i Përgjithshëm i Qeverisë dhe Liljana Jonoski, anëtare e Grupit të Punës për Reformën e Sistemit të Financimit të GO.
Angazhimet e organizatave qytetare janë të njëjta për vite me radhë dhe lidhen me: rritjen e shumës së fondeve të dedikuara për financimin e OQ-ve; sigurimin e mbështetjes institucionale për organizatat qytetare; sigurimin e bashkëfinancimit për aktivitetet që mbështeten nga donatorë të tjerë; braktisjen e praktikës së financimit njëvjeçar dhe të pasigurt, dhe ndërtimin e një ndërgjegjësimi dhe praktike për mbështetje organizative dhe projektuale shumëvjeçare; rritjen e shumës së granteve individuale; përmirësimin e transparencës, efikasitetit dhe llogaridhënies së procedurës për shpërndarjen e fondeve; rritjen e llogaridhënies dhe transparencës së organizatave qytetare për shpenzimet e fondeve të alokuara nga shteti, si dhe për aktivitetet e përgjithshme të tyre; sigurimin e një shpërndarje të duhur gjeografike të mbështetjes nga shteti për organizatat qytetare.
Forumi Tematik i Civica Mobilitas ofron një mundësi për diskutim mes përfaqësuesve të organizatave qytetare, institucioneve në nivel kombëtar ose lokal dhe të gjithë aktorëve të tjerë të rëndësishëm për zgjidhjen e çështjeve që trajtohen.
Civica Mobilitas është një program për mbështetje të shoqërisë civile nga Agjencia Zvicerane për Zhvillim dhe Bashkëpunim, i zbatuar nga NIRAS nga Danimarka, Qendra Maqedonase për Bashkëpunim Ndërkombëtar (MCMS) dhe FCG nga Suedia.
