Infografika: Financimi shtetëror për OQ në vitin 2021

Mbështetje shtetërore për organizatat qytetare është një nga elementët kyç për të siguruar qëndrueshmërinë financiare të shoqërisë civile. Në vendet demokratike të zhvilluara, mbështetje financiare për OQ-të sigurohet kryesisht përmes financimit të drejtpërdrejtë nga buxheti i vendeve, ndërsa në Maqedoni, pavarësisht angazhimit deklarativ të Qeverisë për të mbështetur sektorin qytetar, në praktikë ka mungesë të vullnetit politik për një mbështetje të tillë dhe qëndrueshmëri.

Më poshtë shikoni infografikat që lidhen me të ardhurat e organizatave qytetare nga financimi shtetëror në nivel qendror dhe grantin më të lartë dhe më të ulët të ndarë nga financimi shtetëror në nivel qendror për vitin 2021.

Infografik: Të ardhurat e organizatave qytetare nga financimi shtetëror në nivel qendror për vitin 2021.

Në total, 4% e të ardhurave të organizatave qytetare në vitin 2021 ishin nga shteti, përkatësisht nga buxheti qendror. Financimi shtetëror ra për 1% në krahasim me vitin 2020 dhe arrin në 5,02 milion euro. Duke u parë sipas përdoruesve të buxhetit, ka një rënie të veçantë në fondet e ndara nga Ministria e Kulturës dhe Ministria e Punës dhe Politikave Sociale.

Të kujtojmë, në Planin e Veprimit për zbatimin e Strategjisë për Bashkëpunim dhe Zhvillim të Sektorit Civil 2022-2024, Qeveria u angazhua që pjesëmarrja e financimit shtetëror në të ardhurat e organizatave qytetare të jetë 20% në vitin 2022, 25% në vitin 2023 dhe 30% në vitin 2024.

Infografik: Grant më i lartë dhe më i ulët i ndarë nga financimi shtetëror në nivel qendror për vitin 2021.

Në vitin 2021, granti më i ulët i ndarë për një organizatë qytetare nga buxheti qendror ishte vetëm 13.760 denarë dhe u nda nga Ministria e Kulturës. Ndërsa, granti më i lartë i ndarë ishte 12.180.000 denarë dhe u dha nga Ministria e Punës dhe Politikave Sociale për Bashkimin Kombëtar të të Verbërve.

Në Maqedoni, për fat të keq, mungon mbështetje financiare thelbësore për zhvillimin e organizatave qytetare të regjistruara sipas Ligjit për Shoqatat dhe Fondacionet. Diferencat në fondet financiare të alokuara për organizatat qytetare dhe ato për federatat dhe bashkimet kombëtare janë një dëshmi për këtë situatë.

Ne mbështesim një reformë në financimin shtetëror të organizatave qytetare!