Përfunduan takimet informuese për thirrjen e re të granteve nga Civica Mobilitas

Nga 5 deri më 20 mars 2024, ekipi i Civica Mobilitas përshkoi mbi 2000 kilometra, vizitoi tetë rajone planore dhe mbajti nëntë takime informuese dedikuar thirrjes për Grantet për Angazhim Qytetar. Mbi 130 përfaqësues të interesuar të organizatave qytetare morën pjesë në takimet e mbajtura në Kriva Pallankë, Shtip, Strumicë, Gostivar, Veles, Strugë, Bitolë dhe Shkup.

Pjesa më e madhe e sesioneve informuese iu kushtua pyetjeve të pjesëmarrësve. Përveç interesit për të sqaruar disa nga kriteret për dorëzimin e aplikacioneve dhe mënyrën e plotësimit të dokumenteve të detyrueshme, takimet u shfrytëzuan gjithashtu për të ndarë përvojat nga partneritetet e mëparshme, për të diskutuar mbi problemet e ngutshme të organizatave në rajonet përkatëse, si dhe për të shkëmbyer idetë fillestare për projekte.

Sipas Risto Kamov, anëtar i organizatës “ChangeMakers” dhe i SWAM nga Gjevgjelia, ky qasje që ndihmon në ndërtimin e bashkëpunimeve afatgjata mes organizatave nga rajonet është shumë i mirë. “Deri tani kemi pasur përvojë të punojmë së bashku për realizimin e aksioneve, por asnjëherë nuk kemi pasur mundësi të punojmë së bashku në një projekt afatgjatë. Mendoj se kjo është një mundësi e shkëlqyer për të bashkuar forcat dhe për të bërë diçka më shumë,” tha ai.

Pjesëmarrësit shprehën kënaqësinë që sesionet informuese u mbajtën në secilin nga rajonet, duke lehtësuar qasjen dhe duke u dhënë mundësi për t’u mbledhur, për t’u rrjetëzuar dhe për të diskutuar çështjet e rëndësishme për organizimin qytetar në rajonin specifik.

Në lidhje me dokumentet e nevojshme për dorëzimin e aplikacioneve, pjesëmarrësit shprehën interes për shtojcën që ka të bëjë me ndikimin në mjedisin jetësor (Cedrig light), që shërben si një filtër për vlerësimin e rreziqeve të mundshme që projekti mund të shkaktojë në mjedisin. Ata që tashmë kishin pasur mundësi të punojnë me të, theksuan se mosrespektimi i këtyre rreziqeve e zgjat kohëzgjatjen e aksioneve.

Të gjithë të interesuarit që nuk patën mundësi të marrin pjesë në sesionet informuese, mund të dërgojnë pyetjet e tyre me shkrim në: helpdesk@civicamobilitas.mk më së voni deri më 2 prill 2024, në orën 13:00.

Të gjitha sesionet informuese u mbajtën në hapësira publike. Falënderojmë kolegët nga zyrat e Europe House në Kriva Pallankë, Veles dhe Strumicë, American Corner në Strugë, Mladihub në Bitolë dhe Qendrën Burimore Qytetare në Shtip, Gostivar dhe Shkup për hapësirën e dhënë dhe për mikpritjen.