Qytetarët për ndryshim #3

TETOR - DHJETOR 2019

Të punosh bashkë që të arrish rezultate ose të ndihmohesh mes veti që ta arrish objektivin e përbashkët – këto janë disa nga përgjigjet për pyetjen “çfarë është bashkëpunimi?” Por, më me rëndësi nga kjo janë pyetjet: nëse dhe pse bashkëpunojmë?

Shoqëria civile maqedonase ka plot shembuj të bashkëpunimit. Iniciativa të përbashkëta, protesta të përbashkëta, projekte të përbashkëta, e bile edhe zyra të përbashkëta të organizatave. Organizatat qytetare më shumë se kurrë e njohin fuqinë e bashkëpunimit, fuqinë e shoqërimit dhe solidaritet.

Fushata kombëtare “Maqedonia pa mbeturina”, që e zbatoi Ajde Maqedoni para katër viteve nuk do ta kishte efektin e njëjtë nëse nuk mbështetej në bashkëpunimin e 70 organizatave qytetare dhe mbi 100 shkollave. Kjo mundësoi aktivitete në 165 në 53 komuna me pjesëmarrje të 16.000 qytetarëve.

Ndonjëherë bashkëpunimi ndodhte në nivel individual, personal. I tillë ishte shembulli me arsimtarët Tanja dhe Sonja, të cilat idenë e tyre projektuese e quajtën “Kundër dhunës nën qiellin e njëjtë”. Ata e filluan bashkëpunimin që të ndihmojnë të zbutet jo toleranca mes bashkësive multietnike rreth shkollave të tyre “Lazo Tërpovski”, në Komunën Karposh dhe “Liria” në Komunën e Çairit.

Në faqet e këtij numri do të shihni iniciativa të shumta të cilat bazohen në bashkëpunimin. E tillë është protesta e dhjetë rrjeteve të organizatave qytetare të cilat bashkë, mbledhin rreth 100 shoqata dhe iniciativa. Ata kërkuan nga Kuvendi zgjedhje të shpejtë dhe emërimin e kuadrove në më shumë institucione dhe trupa nga e Komisionit për çështje të zgjedhjeve dhe emërimeve, ndërsa me kërkesë me shkrim ata u drejtuan edhe deri te të gjithë deputetët në Parlamentin e RMV.

Por, pse është i rëndësishëm bashkëpunimi? Kjo është në bazën e funksionimit të shoqatave të qytetarëve, në të vërtetë që të themelohet një shoqatë duhet të shoqërohen së paku pesë qytetarë. Shoqërimi i tyre, ky bashkëpunim parësor ka ndodhur pikërisht për shkak se e kanë njohur fuqinë e tij. Dhe ashtu siç individët, si qenie shoqërore vazhdimisht i drejtohen njëri tjetrit, ashtu edhe organizatat gjatë ekzistimit dhe punës së tyre vazhdimisht i drejtohen organizatave tjera, institucioneve, qytetarëve…

Civika mobilitas i kushton vëmendje të madhe bashkëpunimit. Jemi të bindur se përmes bashkëpunimit, rezultatet e të gjitha organizatave do të jenë më të mëdha. Jemi të vetëdijshëm se në kohën e besimit të ulët të përgjithshëm në shoqëri aspak nuk është e lehtë të bashkëpunohet, por njerëzit nga sektori civil gjithmonë kanë qenë atje që të jenë shembull për të tjerët.

Dhe në fund, e kemi të njohur fjalën e urtë afrikane: “Nëse dëshiron të udhëtosh shpejt, udhëto vet. Nëse dëshiron të arrish më larg, udhëto me shoqëri!”. Ndryshimet shoqërore ndaj të cilave synojmë janë shtigjet tona të gjata, e ato mund t’i tejkalojmë vetëm nëse bashkëpunojmë të gjithë.

Mirëserdhët në numrin e ri të Qytetarët për ndryshime, tema kryesore e të cilit është bashkëpunimi.