Qytetarët për ndryshim #1
JANAR - QERSHOR 2019
Të nderuar lexues, Para jush gjendet numri i parë i revistës “Qytetarët për ndryshime”, revistë e Civika mobilitas, program për përkrahje të shoqërisë civile i Agjencionit Zviceran për bashkëpunim dhe zhvillim (SDC), por edhe revistë e gjithë shoqërisë civile. Emri i revistës është marrë nga slogani i programit, i cili, besojmë se qartë paraqet angazhimin jo vetëm të Civika mobilitas, por edhe më gjerë. Qytetarët janë ata të cilët do jenë në fokus të interesit, qytetarët si shfrytëzues të shërbimeve të organizatave civile, por gjithashtu edhe si iniciatorë dhe pjesëmarrës në ndryshimet shoqerore.
Civika mobilitas i përkrahë organizatat qytetare dhe zhvillimin e tyre. Si rezultat i kësaj janë organizata të fuqizuara, jo vetëm financiarisht, por edhe në njohuritë dhe shkathtësitë e tyre, në zhurmimin dhe betejën e tyre që të pyeten dhe të dëgjohen, të jenë pjesë thelbësore e diskutimeve dhe krijimin e politikave në shtet.
Civika mobilitas ishte dhe është një nga programet më të rëndësishme për këtë mbështetje. Pothuaj 200 organizata qytetare nga faza paraprake e programit u bënë pjesë e familjes së madhe të grantistëve.
Por, Civika mobilitas nuk do të ishte ajo që është nëse bashkësinë e vet e bënë ekskluzive dhe nëse informatat dhe njohuritë që i posedon i kufizon vetëm te anëtarët e vet. Prandaj jemi të hapur për të gjitha organizatat, përtë gjithë aktorët e shoqërisë civile të cilët do të mundësojnë ta fuqizojmë shoqërinë civile, ta përmirësojmë bashkëpunimin, t’i ndërtojmë lidhjet me konstituentët tanë që ta bëjmë ambientin ku veprojmë më të mirë për punë.
Revista “Qytetarët për ndryshime” e Civika mobilitas duhet të jetë pikë e re ku do të tubohemi dhe prej ku do të distribuohen informatat për shoqërinë civile dhe për temat të cilat janë relevante për atë, vend ku do t’i ndajmë analizat, dilemat dhe diskutimet për çështje të rëndësishme për funksionimin e shoqërisë civile.
Kjo revistë është edhe një pjesë tjetër e mozaikut të Civika mobilitas, me të cilën Agjencioni Zviceran për zhvillim dhe bashkëpunim (SDC) për 10 vite jep përkrahje për sektorin civil dhe jo vetëm financiare, por edhe përmbajtësore dhe thelbësore, dhe kjo përkrahje jo vetëm e forcoi sektorin, por edhe e bëri më të zëshëm dhe më të dukshëm.
Ky është një lajmërim por edhe thirrje deri te të gjithë kolegët, për të qenë pjesë e Qytetarët për ndryshime. T’i ndajmë informatat sepse ato vlejnë atëherë kur do të arrijnë atje ku janë të nevojshme.
