Dav

PANEL DISKUTIMI: IDEJA PËR BARAZI, MIT APO REALITET?!

ОдЦивика мобилитас

Më 19.05.2016 (e enjte) në Universitetit e Evropës Juglindore në Tetovë u mbajt Panel diskutimi, aktiviteti përfundimtar nga projekti „ Analiza e politikave dhe shpërndarja e resurseve lokale ndërmjet bashkësive etnike në rajonin e Pellagonisë dhe Pollogut“

Lulzim Haziri, drejtor ekzekutiv në ADI, prezantoi aktivitetet e projektit, duke theksuar rezultatet kryesore të cilat kishin për qëllim forcimin e ndikimit të shoqërisë civile në përfaqësimin e idesë së barazisë në komunat e Gostivarit, Tetovës, Manastirit dhe Prilepit.

 

dav

Bekim Kadriu, ekspert në fushën e anti-diskriminimit, në prezantimin e analizës: „Gjendja me diskriminimin në rajonin e Pollogut dhe Pellagonisë “, bëri krahasimin e rezultateve që dolën nga hulumtimi ndërmjet qyteteve Gostivar dhe Tetovë, si përfaqësues të rajonit të Pollogut, kurse Manastiri dhe Prilepi, si përfaqësues të rajonit të Pellagonisë.

Аleksandër Kerzhalovski, Drejtor i parë ekzekutiv i MCMS, iu referua rolit të shoqërisë civile në Maqedoni në luftën kundër diskriminimit duke theksuar kontributin e OJQ-ve në hartimin e Ligjit për parandalimin dhe mbrojtjen nga diskriminimi. Ai theksoi se politika anti-diskriminuese në shoqërinë e vendit ende është koncept i ri i cili kërkon angazhim më të madh në zbatimin e tij praktik dhe në rritjen e vetëdijes së qytetarëve.

Jasna Arangjeloviq Orovqanec, udhëheqëse projektesh në Shoqatën e Avokatëve të Rinj në Maqedoni, informoi pjesëmarrësit për rastet aktuale gjyqësore në fushën e diskriminimit dhe të cilat bazohen në statusin personal, mobingun në vendin e punës dhe qasjes në institucionet e personave me aftësi të kufizuara fizike. Ajo shtoi se gratë, romët dhe komuniteti LGBT janë ende grupet më të rrezikuara të cilat përballen me diskriminim.

dav
dav

Diskutimi i pjesëmarrësve vazhdoi në drejtim të sugjerimeve për përmirësimin e kompetencave të komisioneve lokale për marrëdhëniet nder-etnike, komisionet për barazi gjinore dhe intensifikimin e veprimtarisë se tyre;veprimi përfshirës i autoriteteve në integrimin e grupeve të prekura; aplikimi i konceptit të buxhetimit të përgjegjshëm gjinor në nivel lokal; Rritja e ndërgjegjësimit të publikut për njohjen dhe reagimin në rastet e diskriminimit, duke përdorur mjetet e disponueshme juridike.

Projektin „ Analiza e politikave dhe shpërndarja e burimeve lokale në mes bashkësive etnike në rajonin e Pollogut dhe Pellagonisë “ e realizon Asociacioni për Iniciativa Demokratike (ADI) në partneritet me Qendrën kulturore të të Rinjve-Manastir dhe është i mbështetur nga Projekti i USAID-it për shoqëri civile të cilin e realizon Fondacioni Shoqëria e hapur – Maqedoni. ADI – Gostivar është pjesë e programit për Grante institucionale të Civica Mobilitas financuar nga ana e Agjencisë Zvicerane për bashkëpunim dhe zhvillim.20

Продолжи со читање

  • Kamioni Mediatik Ballkanik po e nis udhëtimin e tij

    Kamioni Mediatik Ballkanik po e nis udhëtimin e tij nëpër 20 qytete në gjashtë vende të Ballkanit Perëndimor: Kosovë, Bosnje dhe Hercegovinë, Mal të Zi, Shqipëri, Maqedoninë e Veriut dhe Serbi, nga shtatori deri në nëntor të vitit 2025. Ndalesa e parë është në Prizren, Kosovë, më 8 shtator, e ndjekur nga Mitrovica më 9 […]
    The post Kamioni Mediatik Ballkanik po e nis udhëtimin e tij first appeared on Metamorphosis.

  • RAPORT I BIRC: PERSPEKTIVA E REFORMAVE TË QËNDRUESHME NË KUADËR TË KLASTERIT 3 DHE KLASTERIT 1

    Autor: M-r Bardhyl Zaimi
    Sistemi arsimor në Maqedoninë e Veriut në asnjë rast duket se nuk ka arritur t’u rezistojë turbulencave të shumta politike të periudhës së tranzicionit, ndikimeve partiake dhe ndikimeve tjera që në masë të madhe kanë ulur nivelin e cilësisë. Në Maqedoninë e Veriut, nuk është arritur të krijohet një sistem koherent në fushën e arsimit që do t’i përgjigjej profesionalizimit dhe përkushtimit maksimal që e kërkon kjo fushë kaq e rëndësishme e shoqërisë. Përkundrazi, gjatë tërë kohës janë vërejtur eksperimente në politikat arsimore, zgjidhje të çastit, zgjidhje që më tepër kanë qenë improvizime se sa realisht të hyhet në një transformim cilësor të gjithanshëm që nënkupton suazë ligjore të mirëmenduar, dokumente të përpiluara nga profesionistë të fushës dhe strategji afatgjate që hapin dhe mbindërtojnë një vizion që do të ishte në përputhje me zhvillimet globale.
    Në këtë kuadër, tashmë nga ekspertët është vënë në dukje se harmonizimi i konceptit evropian, gjegjësisht ligjeve europiane në sistemin arsimor në Maqedoninë e Veriut mbetet një imperative jetik për të krijuar dinamika tjera në arsimin e lartë në drejtim të përmirësimit të cilësisë.
    Klasteri 3 që do të hapet me BE-në e vendos fokusin në konkurrencën dhe rritjen gjithëpërfshirëse. Pikërisht, në sinkron me këtë klaster, shtetet anëtare duhet të kenë kornizën ligjore, administrative dhe financiare  si dhe kapacitetet e nevojshme zbatuese për të siguruar menaxhimin e shëndoshë financiar të programeve të arsimit, trajnimit dhe komunitetit rinor. Për të siguruar përfshirje të plotë dhe të suksesshme në programet kornizë, vendet anëtare duhet të sigurojnë kapacitetet e nevojshme zbatuese në fushën e kërkimit dhe zhvillimit teknologjik, pa anashkaluar stafin adekuat.
    Në këtë kuadër, reformat në fushën e arsimit dhe kërkimit shkencor nuk janë vetëm një përparësi sektoriale, por një domosdoshmëri strategjike që ndërlidhet drejtpërdrejt me cilësinë e kapitalit njerëzor dhe aftësinë e vendit për të ndërtuar një ekonomi të qëndrueshme dhe konkurruese. Klasteri 3 përfshin kapitujt që lidhen me arsimin, kërkimin shkencor dhe kulturën (25 dhe 26), ndërsa Klasteri 1 përqendrohet në sundimin e ligjit, etikën dhe funksionimin demokratik të institucioneve. Të gjitha këto dimensione mbeten me ndikim të drejtpërdrejtë në sistemin arsimor.
    RAPORTIN E PLOTË E GJENI KËTU

  • RAPORT I BIRC: ARSIMI NË KRIZË, EKSPERTËT KËRKOJNË DEPOLITIZIM DHE REFORMA TË THELLA

    Autor: M-r Bardhyl Zaimi
    Sistemi arsimor në Maqedoninë e Veriut në asnjë rast duket se nuk ka arritur t’u rezistojë turbulencave të shumta politike të periudhës së tranzicionit, ndikimeve partiake dhe ndikimeve tjera që në masë të madhe kanë ulur nivelin e cilësisë. Në Maqedoninë e Veriut, nuk është arritur të krijohet një sistem koherent në fushën e arsimit që do t’i përgjigjej profesionalizimit dhe përkushtimit maksimal që e kërkon kjo fushë kaq e rëndësishme e shoqërisë. Përkundrazi, gjatë tërë kohës janë vërejtur eksperimente në politikat arsimore, zgjidhje të çastit, zgjidhje që më tepër kanë qenë improvizime se sa realisht të hyhet në një transformim cilësor të gjithanshëm që nënkupton suazë ligjore të mirëmenduar, dokumente të përpiluara nga profesionistë të fushës dhe strategji afatgjate që hapin dhe mbindërtojnë një vizion që do të ishte në përputhje me zhvillimet globale.
    Pas më shumë se tridhjetë vjetësh nga fillimi i tranzicionit , Maqedonia e Veriut akoma përballet me sfida të thella që lidhen me kalimin nga reforma të bazuara kryesisht në interesat politike afatshkurtra, drejt reformave të qëndrueshme dhe profesionale, të bazuara në ekspertizë. Ky proces është veçanërisht i rëndësishëm në sektorin e arsimit të lartë, ku ndikimet e politizimit dhe mungesa e vazhdimësisë kanë minuar besueshmërinë, cilësinë dhe efikasitetin e sistemit arsimor.
    Ekspertë nga fusha e arsimit kanë vënë në dukje se një nga pengesat kryesore në rrugën drejt reformave substanciale në arsimin e lartë është mungesa e një konsensusi politik të gjerë dhe të qëndrueshëm që mund të mbrojë dhe implementojë strategji afatgjata pa ndërhyrje të politikave ditore. Përvojat rajonale, siç përmendet nga ekspertët modeli i Sllovenisë, tregon se sukseset e reformave strukturore vijnë nga politikat me vazhdimësi, përfshirja e komunitetit akademik dhe mbështetja e institucioneve shtetërore gjatë një periudhe të gjatë kohore.
    Në përputhje me këto nevoja, Maqedonia e Veriut ka bërë hapa konkretë duke themeluar më 6 nëntor 2024 Trupin Nacional Koordinues për Reforma në Arsimin e Lartë, një entitet gjithëpërfshirës që bashkon përfaqësues të institucioneve shtetërore, universiteteve, biznesit dhe shoqërisë civile, me mandatin për të rikthyer cilësinë, standardizimin dhe investimet në shkencë dhe kërkim. Ky trup synon të nisë një reformë strukturore të thellë, duke përgatitur propozime konkrete për përmirësimin e sistemit arsimor gjatë 18 muajve të ardhshëm.
    Megjithatë, sfidat mbeten të mëdha. Raportet e Komisionit Evropian për vitet 2023 dhe 2024, si dhe analizat e organizatave ndërkombëtare si UNDP dhe OECD/SIGMA, evidentojnë mungesën e kapaciteteve teknike dhe njerëzore, politizimin e universiteteve dhe fragmentimin e legjislacionit, si faktorë që pengojnë konsolidimin e reformave në arsimin e lartë. Pa i tejkaluar këto barriera, vënë në pah ekspertët, Maqedonia e Veriut, do të vazhdojë të përballet me sfida në ndërtimin e institucioneve të depolitizuara, të pavarura dhe të përgjegjshme ndaj komunitetit akademik dhe shoqërisë.
    RAPORTIN E PLOTË E GJENI KËTU