CIVIL –i me mesazhe për partitë politike dhe opinionin: Qytetarët presin zgjedhje të drejta dhe demokratike, pa presione dhe abuzime

ОдЗдружение на граѓани ЦИВИЛ - Центар за слобода Скопје

Në ditën e votimit, më 8 maj, CIVIL – i do të dislokojë 80 vëzhgues të akredituar në të gjithë vendin, të cilët janë të lëvizshëm dhe vizitojnë shumë qendra votimi.

Ftohen të gjithë qytetarët të denoncojnë parregullsitë në faqen ZGJEDHJE TË LIRA , me mesazh në faqen e organizatës në Facebook ose në telefonat 02/520 91 76 ose 071 712 799, si dhe në emailin monitoring.civil@gmail.com.

Të gjitha informacionet e nevojshme për zgjedhjet që mund t’i ndihmojnë qytetarët të ushtrojnë të drejtën e tyre të votës mund t’i gjeni në seksionin ZGJEDHJE në platformën mediatike CIVIL MEDIA.

Qendra për shtyp e CIVIL –it do të jetë e hapur nga ora 07:00 deri në 23:00. Gjatë ditës, CIVIL –i do të mbajë tetë konferenca për shtyp në gjuhën maqedonase dhe shqipe, dhe do të jetë në dispozicion të mediave për deklarata individuale në qendrën për shtyp të organizatës.

Katër ekipe do të punojnë gjatë gjithë ditës dhe deri në orët e vona të natës: komunikimi, monitorimi i mediave dhe rrjeteve sociale, analitika dhe marrëdhëniet me publikun. Është në funksion edhe një ekip i posaçëm celular për monitorimin dhe verifikimin e raporteve nga terreni.

(Për terminet  e konferencave për shtyp, klikoni KËTU)

CIVIL- i kërkon nga partitë politike që të respektojnë Kodin Zgjedhor, Kushtetutën dhe ligjet e Republikës së Maqedonisë së Veriut, të respektojnë heshtjen zgjedhore dhe të kontribuojnë për një ditë zgjedhjesh demokratike, ligjore  dhe të ndershme më 8 maj, si dhe gjatë votimit më 7 maj.

Qytetarët presin zgjedhje të ndershme dhe demokratike, pa presione dhe abuzime. Asgjë më pak.

Zgjedhjet pasqyrojnë frymën e demokracisë në një vend, dhe organizohen për qytetarët, jo për partitë. Prandaj, çdo pjesëmarrës në procesin zgjedhor ka detyrim ligjor dhe moral të kontribuojë për një proces zgjedhor të drejtë dhe demokratik.

CIVIL kërkon nga partitë politike që të respektojnë parimet demokratike dhe t’u thonë anëtarëve dhe simpatizantëve të tyre që të përmbahen nga thyerja e heshtjes zgjedhore, si dhe nga përhapja e gjuhës së urrejtjes dhe dezinformatave.

Votuesit kanë të drejtën për zgjedhje të informuar.

Mediat  dhe organizatat e shoqërisë civile, veçanërisht ato të përfshira në monitorimin e zgjedhjeve, kanë një rol jashtëzakonisht të rëndësishëm, mbase  edhe vendimtar.

Që nga themelimi i qeverisë teknike më 28 janar, CIVIL-i  ka zbatuar  monitorim afatgjatë zgjedhor, gjithëpërfshirës,  jopartiak dhe profesional të zgjedhjeve presidenciale dhe parlamentare. Monitorimi kryhet në disa fusha dhe kategori, sipas metodologjisë unike të monitorimit që organizata e ka promovuar që nga viti 2008.

Në fokus të veçantë  të monitorimit afatgjatë të zgjedhjeve nga CIVIL –i, është financimi politik, dezinformimi, gjuha e urrejtjes dhe ndikimi rus në procesin zgjedhor.

Organizata ka vendosur komunikim me të gjitha institucionet dhe organizatat përkatëse në vend, si dhe me misionin e OSBE/ODIHR dhe misionet  tjera ndërkombëtare.

Ekipi monitorues i CIVIL –it

The post CIVIL –i me mesazhe për partitë politike dhe opinionin: Qytetarët presin zgjedhje të drejta dhe demokratike, pa presione dhe abuzime appeared first on Civil.

Продолжи со читање

  • Kamioni Mediatik Ballkanik po e nis udhëtimin e tij

    Kamioni Mediatik Ballkanik po e nis udhëtimin e tij nëpër 20 qytete në gjashtë vende të Ballkanit Perëndimor: Kosovë, Bosnje dhe Hercegovinë, Mal të Zi, Shqipëri, Maqedoninë e Veriut dhe Serbi, nga shtatori deri në nëntor të vitit 2025. Ndalesa e parë është në Prizren, Kosovë, më 8 shtator, e ndjekur nga Mitrovica më 9 […]
    The post Kamioni Mediatik Ballkanik po e nis udhëtimin e tij first appeared on Metamorphosis.

  • RAPORT I BIRC: PERSPEKTIVA E REFORMAVE TË QËNDRUESHME NË KUADËR TË KLASTERIT 3 DHE KLASTERIT 1

    Autor: M-r Bardhyl Zaimi
    Sistemi arsimor në Maqedoninë e Veriut në asnjë rast duket se nuk ka arritur t’u rezistojë turbulencave të shumta politike të periudhës së tranzicionit, ndikimeve partiake dhe ndikimeve tjera që në masë të madhe kanë ulur nivelin e cilësisë. Në Maqedoninë e Veriut, nuk është arritur të krijohet një sistem koherent në fushën e arsimit që do t’i përgjigjej profesionalizimit dhe përkushtimit maksimal që e kërkon kjo fushë kaq e rëndësishme e shoqërisë. Përkundrazi, gjatë tërë kohës janë vërejtur eksperimente në politikat arsimore, zgjidhje të çastit, zgjidhje që më tepër kanë qenë improvizime se sa realisht të hyhet në një transformim cilësor të gjithanshëm që nënkupton suazë ligjore të mirëmenduar, dokumente të përpiluara nga profesionistë të fushës dhe strategji afatgjate që hapin dhe mbindërtojnë një vizion që do të ishte në përputhje me zhvillimet globale.
    Në këtë kuadër, tashmë nga ekspertët është vënë në dukje se harmonizimi i konceptit evropian, gjegjësisht ligjeve europiane në sistemin arsimor në Maqedoninë e Veriut mbetet një imperative jetik për të krijuar dinamika tjera në arsimin e lartë në drejtim të përmirësimit të cilësisë.
    Klasteri 3 që do të hapet me BE-në e vendos fokusin në konkurrencën dhe rritjen gjithëpërfshirëse. Pikërisht, në sinkron me këtë klaster, shtetet anëtare duhet të kenë kornizën ligjore, administrative dhe financiare  si dhe kapacitetet e nevojshme zbatuese për të siguruar menaxhimin e shëndoshë financiar të programeve të arsimit, trajnimit dhe komunitetit rinor. Për të siguruar përfshirje të plotë dhe të suksesshme në programet kornizë, vendet anëtare duhet të sigurojnë kapacitetet e nevojshme zbatuese në fushën e kërkimit dhe zhvillimit teknologjik, pa anashkaluar stafin adekuat.
    Në këtë kuadër, reformat në fushën e arsimit dhe kërkimit shkencor nuk janë vetëm një përparësi sektoriale, por një domosdoshmëri strategjike që ndërlidhet drejtpërdrejt me cilësinë e kapitalit njerëzor dhe aftësinë e vendit për të ndërtuar një ekonomi të qëndrueshme dhe konkurruese. Klasteri 3 përfshin kapitujt që lidhen me arsimin, kërkimin shkencor dhe kulturën (25 dhe 26), ndërsa Klasteri 1 përqendrohet në sundimin e ligjit, etikën dhe funksionimin demokratik të institucioneve. Të gjitha këto dimensione mbeten me ndikim të drejtpërdrejtë në sistemin arsimor.
    RAPORTIN E PLOTË E GJENI KËTU

  • RAPORT I BIRC: ARSIMI NË KRIZË, EKSPERTËT KËRKOJNË DEPOLITIZIM DHE REFORMA TË THELLA

    Autor: M-r Bardhyl Zaimi
    Sistemi arsimor në Maqedoninë e Veriut në asnjë rast duket se nuk ka arritur t’u rezistojë turbulencave të shumta politike të periudhës së tranzicionit, ndikimeve partiake dhe ndikimeve tjera që në masë të madhe kanë ulur nivelin e cilësisë. Në Maqedoninë e Veriut, nuk është arritur të krijohet një sistem koherent në fushën e arsimit që do t’i përgjigjej profesionalizimit dhe përkushtimit maksimal që e kërkon kjo fushë kaq e rëndësishme e shoqërisë. Përkundrazi, gjatë tërë kohës janë vërejtur eksperimente në politikat arsimore, zgjidhje të çastit, zgjidhje që më tepër kanë qenë improvizime se sa realisht të hyhet në një transformim cilësor të gjithanshëm që nënkupton suazë ligjore të mirëmenduar, dokumente të përpiluara nga profesionistë të fushës dhe strategji afatgjate që hapin dhe mbindërtojnë një vizion që do të ishte në përputhje me zhvillimet globale.
    Pas më shumë se tridhjetë vjetësh nga fillimi i tranzicionit , Maqedonia e Veriut akoma përballet me sfida të thella që lidhen me kalimin nga reforma të bazuara kryesisht në interesat politike afatshkurtra, drejt reformave të qëndrueshme dhe profesionale, të bazuara në ekspertizë. Ky proces është veçanërisht i rëndësishëm në sektorin e arsimit të lartë, ku ndikimet e politizimit dhe mungesa e vazhdimësisë kanë minuar besueshmërinë, cilësinë dhe efikasitetin e sistemit arsimor.
    Ekspertë nga fusha e arsimit kanë vënë në dukje se një nga pengesat kryesore në rrugën drejt reformave substanciale në arsimin e lartë është mungesa e një konsensusi politik të gjerë dhe të qëndrueshëm që mund të mbrojë dhe implementojë strategji afatgjata pa ndërhyrje të politikave ditore. Përvojat rajonale, siç përmendet nga ekspertët modeli i Sllovenisë, tregon se sukseset e reformave strukturore vijnë nga politikat me vazhdimësi, përfshirja e komunitetit akademik dhe mbështetja e institucioneve shtetërore gjatë një periudhe të gjatë kohore.
    Në përputhje me këto nevoja, Maqedonia e Veriut ka bërë hapa konkretë duke themeluar më 6 nëntor 2024 Trupin Nacional Koordinues për Reforma në Arsimin e Lartë, një entitet gjithëpërfshirës që bashkon përfaqësues të institucioneve shtetërore, universiteteve, biznesit dhe shoqërisë civile, me mandatin për të rikthyer cilësinë, standardizimin dhe investimet në shkencë dhe kërkim. Ky trup synon të nisë një reformë strukturore të thellë, duke përgatitur propozime konkrete për përmirësimin e sistemit arsimor gjatë 18 muajve të ardhshëm.
    Megjithatë, sfidat mbeten të mëdha. Raportet e Komisionit Evropian për vitet 2023 dhe 2024, si dhe analizat e organizatave ndërkombëtare si UNDP dhe OECD/SIGMA, evidentojnë mungesën e kapaciteteve teknike dhe njerëzore, politizimin e universiteteve dhe fragmentimin e legjislacionit, si faktorë që pengojnë konsolidimin e reformave në arsimin e lartë. Pa i tejkaluar këto barriera, vënë në pah ekspertët, Maqedonia e Veriut, do të vazhdojë të përballet me sfida në ndërtimin e institucioneve të depolitizuara, të pavarura dhe të përgjegjshme ndaj komunitetit akademik dhe shoqërisë.
    RAPORTIN E PLOTË E GJENI KËTU