TË ZHVILLOHET FRYMA SIPËRMARRËSE E OQ PASI QË MJETE FINANCIARE KA, PO ASHTU EDHE DISPONIM PËR DHURIM
“Ne duhet të ndryshojmë, nuk duhet të kemi frikë të jemi të orientuar drejt biznesit, kjo nuk do të na bëjë më pak të orientuar drejt misioneve dhe qëllimeve tona. Përkundrazi, do të na japë mundësinë të punojmë shumë më tepër për ta”, ky ishte konstatimi përfundimtar nga Forumi tematik i Civica mobilitas me titull: “A mund të bëjmë më shumë se grantet?!” – Financimi i organizatave qytetare përmes: donacioneve, crowdfunding dhe ndërmarrjet sociale. Të rrjetëzohemi shumë më tepër sesa e bëjmë tani dhe të flasim për atë që bëjmë. Është hapi i parë i ndërtimit të besimit ndërmjet organizatave të shoqërisë civile nga njëra anë dhe qytetarëve apo kompanive nga ana tjetër. Të pranishmit folën edhe për transparencën si një segment i rëndësishëm për ndërtimin e besimit të ndërsjellë dhe ndërgjegjësimin për dhurimin.
Folësit në Forum u pajtuan se ka nevojë që si sektor civil të punohet në ndryshimin e legjislacionit duke iu referuar Ligjit për donacione dhe sponsorizime për të lehtësuar procesin e donacioneve. “Është disfatë të thuhet se kemi më shumë se 100 donacione të refuzuara mbi 12.000 denarë përmes platformës E-crowd pikërisht për shkak të sistemit, bankave, legjislacionit”, tha Ljupço Petkovski, nënkryetar i Ino Hub – Shkup dhe një nga folësit në Forum. Ai theksoi se maqedonasit dëshirojnë të dhurojnë dhe dhurojnë, gjë që vërtetohet nga veprimet e ndryshme, por duhet të punohet në liberalizimin e legjislacionit. Në këtë u ndërlidh Viktor Mirçevski, menaxher programi i KONEKT-it, i cili theksoi se më shumë se 100 organizata janë pjesë e Rrjetit për qëndrueshmëri financiare të organizatave qytetare, i cili e mbron ndryshimin e Ligjit për donacione dhe sponsorizime, dhe tashmë është formuar një grup punues. që funksionon në këtë ndryshim. Qëllimi është të lehtësohet detyrimi tatimor për ata që japin, thotë Mirçevski. “Ne në Konekt themi se dhurimi është dashuri dhe ashtu si në një marrëdhënie romantike, edhe në këtë të OQ me qytetarët dhe kompanitë, duhet të ketë një proces njohjeje dhe besimi reciprok”, tha ai.
Suzana Trajkovska Koçankovska, këshilltare sociale dhe afariste e projektit Mbështetja e ndërmarrjeve sociale i theksoi shembujt pozitivë duke theksuar se OQ duhet të zhvillojnë aktivitete ekonomike. “Projektet kanë burime të kufizuara dhe misioni juaj është më i gjerë se qëllimet e projektit. Ndërmarrësia sociale nuk është vetëm projekt, ajo është zgjidhje e fateve njerëzore”, tha Trajkovska Koçankovska. Ajo beson se potenciali real qëndron tek organizatat e shoqërisë civile që duhet të punojnë në shërbime të reja në hap me kohën që do t’u sigurojë atyre një organizim ekonomikisht të qëndrueshëm. Ajo e theksoi rrjetëzimin si një segment të rëndësishëm, jo vetëm mes OQ por edhe me komunitetin e biznesit dhe vetë qytetarët.
Gjatë Forumit, të pranishmit i treguan përvojat e tyre pozitive me mënyrat alternative të financimit. U fol për Rrethin e donatorëve të KONEKT-it, E-crowd të Ino Hub-it, por edhe aksionet që u iniciuan nga një person, si “Dhuro një kompjuter”, sot njihen jo vetëm në vendin tonë, por edhe në Evropë. Nga Ljubeznost kanë treguar për nismën “Ritvit shujtë”, e cila i mobilizon vullnetarët që të përgatisin ushqim për grupet e cenueshme. “Sot kemi një listë të kompanive që presin në radhë për t’u përfshirë në aktivitetet e tyre vullnetare”, tha Toni Stankovski dhe shtoi se në muajin e ardhshëm e dinë se kush do të dalë vullnetar për përgatitjen e ushqimit. Koalicion rural foli për “Tezga jonë”, një aktivitet i rëndësishëm për gratë nga zonat rurale, por edhe për transformimin drejt një ndërmarrje sociale, ndërsa rrëfimet e Zdravec 2002 konfirmuan edhe një herë se njerëzit dhe bizneset janë të gatshëm të bashkohen për të ndihmuar bashkëqytetarët. Rrjetëzimi, promovimi i mirë dhe strategjitë e komunikimit ishin të përbashkëta për të gjitha përvojat e ndara.
“Në atë kohë mësuam të shkruajmë projekte, tani duhet të mësojmë se si t’ia shesim idenë kompanive dhe qytetarëve,” tha Mirçevski. Të pranishmit në debat ranë dakord se ne mund dhe duhet të bëjmë më shumë sesa grantet. Është e nevojshme të ndryshohet mendimi dhe funksionimi i njerëzve në organizatat e shoqërisë civile, por e mira është se ndryshimi ka filluar. Në të njëjtën kohë po zhvillohet edhe ndërgjegjësimi i qytetarëve dhe bizneseve për donacionet, që është vetëm një plotësim i procesit.
Forumin në tërësi mund ta shikoni në këtë LINK.
Forumi tematik i Civica mobilitas ofron një hapësirë për diskutim ndërmjet përfaqësuesve të organizatave të shoqërisë civile, institucioneve në nivel kombëtar apo lokal dhe të gjithë aktorëve të tjerë të rëndësishëm për zgjidhjen e çështjeve që trajtohen.
Civica mobilitas është një program mbështetës i shoqërisë civile i Ambasadës Zvicerane, i zbatuar nga NIRAS nga Danimarka, Qendra Maqedonase për Bashkëpunim Ndërkombëtar (MCMS) dhe FCG nga Suedia.
