Përfundoi takimi i tretë për rrjetëzim i grantistëve të Civika mobilitas

Gjithsej 186 përfaqësues të organizatave qytetare të mbështetur nga programi Civika mobilitas, më 24 dhe 25 tetor 2017 në Ohër, shkëmbyen njohuri dhe përvoja nga puna e përditshme dhe diskutuan rreth asaj se si t’i bëjnë më të dukshme ndryshimet që i bëjnë në shoqëri.

“Një pjesë të madhe të ideve që më erdhën gjatë këtij evenimenti vijnë nga përvojat që i ndanë kolegët e mit nga organizatat tjera”, tha Kiro Jordanov nga Spektrum plus. “U njoha me disa organizata të cilat janë të ngjashme me tonën, me të cilët biseduam për bashkëpunim në projekte të ardhshme”, shtoi ai. Fokusi i këtij Takimi për rrjetëzim ishte vënë mbi njohjen e ndryshimeve që i bëjnë organizatat dhe vizuelizimin e tyre, gjegjësisht mënyrën në të cilën ato ndryshime komunikohen me qytetarët pa dallim nëse janë grupe qëllimore ose opinion i gjerë. Sajmon Forester, ekspert ndërkombëtar i programit nga Britani e Madhe dhe Majk Zijderduin, drejtor në MDF (Udhëheqje me fondacione zhvillimore) nga Holanda i nxitën pjesëmarrësit të mendojnë rreth ndryshimeve që i bëjnë me aktivitetet e tyre. Duke punuar në grupe, ata i identifikuan ndryshimet të cilat kanë ndodhur duke iu falënderuar aktiviteteve të tyre, e pastaj, i demisitifikuan hapat të cilat janë të nevojshme që të bëhet ai ndryshim. I gjithë procesi në masë të madhe ishte vetëdijesimi për atë se çfarë organizatat identifikojnë si ndryshim dhe si e matin këtë dhe e prezantojnë para opinionit. “Programi Civika mobilitas është jashtëzakonisht i rëndësishëm për ne nga aspekti i rekrutimit të gazetarëve të rinj, të cilët do ta pranojnë misionin e Skup, e kjo është vëzhgimi i punës së institucioneve shtetërore në nivel qendror dhe lokal. Me grantin arritëm që të iniciojmë procedura konkrete para institucioneve dhe të kontribuojmë për rritjen e transparencës të partive politike”, tha Zhaklina Haxhi-Zafirova nga Qendra për Gazetari Hulumtuese Skup Maqedoni. Takimi për rrjetëzim është mundësi unike për grantistët, të gjithë bashkë në një vend t’i ndajnë përvojat dhe të diskutojnë për problemet me të cilat janë ballafaquar dhe mënyrën se si i kanë tejkaluar.

.