INTERESIM I MADH DHE PYETJE TË PËRGJIGJURA NË INFO SESIONIN PËR GRANTET E VEPRIMIT

Rreth 300 përfaqësues të organizatave qytetare e ndoqën sesionin e parë informativ lidhur me thirrjen për grantet e veprimit të Civika mobilitas, prej të cilëve 110 e ndoqën online. Ata dëgjuan më tepër thirrjen, se çfarë aktivitetesh priten nga organizatat, për llojin e shpenzimeve të cilat mund të financohen, për përmbajtjen e aplikacioneve etj.

Ekipi i Civika mobilitas hollësisht e sqaroi procedurën për aplikim dhe përmbajtjen e aplikacionit. Pjesëmarrësit kishin mundësi që t’i sqarojnë dilemat dhe në vend t’i marrin përgjigjet rreth pyetjeve konkrete lidhur me programin dhe thirrjen. Një pjesë e pyetjeve kishin të bëjnë se cili tip i organizatave mund të aplikojë për projekt, dhe kush mund të jetë në rolin e partnerit dhe bashkëpunëtorit; si duhet të jetë statusi i personave të cilët do të angazhohen në projekt; organizatat të cilat do të jenë pjesë e kësaj thirrje, në cilindo rol, a mund të kërkojnë grant të llojit tjetër nga Civika mobilitas; mjetet financiare nga projekti a mund të përdoren për infrastrukturë etj.

Të gjitha pyetjet gjatë sesionit informativ do të publikohen publikisht dhe do të përgjigjen në е-platformën e Civika mobilitas.

Thirrja për grantet e veprimit u publikua më 26 shkurt. Afati për parashtrimin e aplikacioneve është 25 mars 2019. Për pyetjet lidhur me thirrjen, organizatat mund ta kontaktojnë zyrën e Civika mobilitas më së voni deri më 15 mars 2019, në numrin e telefonit 02/3065 381 ose me е-mail: helpdesk@civicamobiltas.com

Aktivitetet e propozuara duhet të zgjatin më së paku 12, e më së shumti 24 muaj. Vlera e grantit duhet të jetë mes 1.000.000 dhe 1.800.000 denarë, ndërsa vlera e përgjithshme e disponueshme për thirrjen është 20 milionë denarë.

Programi për mbështetje të shoqërisë civile Civika mobilitas është mbështetur nga Agjencia Zvicerane për Zhvillim dhe Bashkëpunim, ndërsa e zbatojnë NIRAS nga Danimarka, Qendra Maqedonase për Bashkëpunim Ndërkombëtar (MCMS) dhe FCG nga Suedia.